భీమిలి పోలీస్ స్టేషన్ పరిధిలో మహా దారుణం..!

భీమిలి పోలీస్ స్టేషన్ పరిధిలో మహా దారుణం..!!

యువకుడి బందువులు పై యువతి బంధువులు దాడి..!!

గొడవను చరవాణి లో చిత్రీకరిస్తున్న ఎస్బి హేడ్ కానిస్టేబుల్ పై దాడి..!!

దాడి చేసిన వారిపై కేసు నమోదు రిమాండ్ కు తరలింపు..!!

భీమిలి, సెప్టెంబర్ 26, మేజర్ న్యూస్:

ప్రేమ వివాహం వ్యవహారంలో ఒక యువకుడు బంధువుల పై దాడి చేసిన ఘటనలో యువతి బంధువులు పై అటెంప్ట్ మర్డర్ కేసు పెట్టి రిమాండ్ కు తరలించినట్లు భీమిలి పోలీస్ స్టేషన్ సి ఐ దివాకర్ యాదవ్ తెలిపారు. స్థానిక విలేకరులతో శనివారం ఆయన మాట్లాడుతూ మేజర్స్ అయిన తగరపువలస, బంగ్లామెట్ట కు చెందిన యువతిని మజ్జిపేటకు చెందిన గంగరాజు ప్రేమించి మూడు రోజుల క్రింద వివాహం చేసుకున్నట్లు చెప్పారు. కాగా యువతి బంధువులు యువతి అదృశ్యం అయినట్లు పోలీసులకు ఫిర్యాదు చేశారు. అయితే ఈ విషయం తెలిసి యువతీయువకులను పోలీస్ స్టేషన్ కు రప్పించి వివరాలు తెలుసుకుని ఇద్దరు మేజర్స్ అనీ పంపివేసినట్లు చెప్పారు. యువకుడు బంధువులు రెండు ఆటోలలో తమ గ్రామానికి బయలుదేరి వెలుతుండ గా దారిలో యువతి బంధువులు మరియు వారితో వచ్చిన  వీరిపై కర్రలు, కత్తులతో విచక్షణా రహితంగా దాడి చేసారు. దాడి చేసిన వారిలో తగరపువలస కు చెందిన  ఇంటి సతీష్,ఇంటి సునీత,ఇంటి నర్సింగ్ రావు,ఇంటి వెంకటరమణ లు లావేటి వెంకటేశ్వర్రావు లు ఆనందపురం మండలం (గండి గుండం) మామిడిలోవ గ్రామానికి చెందిన నిమ్మకాయల రవితేజ,నిమ్మ కాయల అనిత,భీమిలి రెల్లి వీదికి చెందిన కుప్పిలి అప్పారావు,పద్మనాభం మండలం రేవిడి పంచాయితీ (రౌతుల పాలెం) కి చెందిన మీసాల రమణలు  అయితే అక్కడ విధులునిర్వహిస్తున్న స్పెషల్ బ్రాంచ్ హెడ్ కానిస్టేబుల్ వచ్చి ఫోటోలను తీస్తుండగా ఆయనపై కూడా దాడి చేసి గాయపరచినట్లు తెలిపారు. వీరిపై అటెంప్ట్ మర్డర్ కేసు కట్టి రిమాండ్ కు పంపినట్లు సిఐ దివాకర్ యాదవ్ చెప్పారు. క్షణికావేశంలో చేసిన చిన్న తప్పు అయినా పెద్ద శిక్ష పడుతుందని చెప్పారు. దయచేసి ఎవరూ తప్పులు చేసి జీవితాలను నాశనం చేసుకోవద్దని కోరారు.