telanagana
కేటీఆర్ సమక్షంలో పలువురు బీఆర్ఎస్లో చేరిక
హైదరాబాద్: బీఆర్ఎస్ వర్కింగ్ ప్రెసిడెంట్ కేటీఆర్ సమక్షంలో పలువురు నాయకులు, కార్యకర్తలు బీఆర్ఎస్లో చేరారు. ఈ సందర్భంగా కేటీఆర్ మాట్లాడుతూ కాంగ్రెస్ ప్రభుత్వం, ముఖ్యమంత్రి రేవంత్రెడ్డిపై విమర్శలు చేశారు.
కాంగ్రెస్ అధికారంలోకి వస్తే ప్రజలకు గోస తప్పదని కేసీఆర్ గతంలోనే హెచ్చరించారని కేటీఆర్ గుర్తుచేశారు. పాత రోజులు తీసుకొస్తానని చెప్పిన రేవంత్రెడ్డి నిజంగానే అదే పనిచేశారని ఆయన వ్యాఖ్యానించారు.
రాష్ట్రంలో రైతులకు యూరియా, విద్యుత్ కొరత మళ్లీ మొదలైందని కేటీఆర్ ఆరోపించారు. కేసీఆర్ బయటకు రావాలని కాంగ్రెస్ నేతలే కోరుతున్నారని అన్నారు.
ఇటీవల జరిగిన గణేష్ ఉత్సవాల్లో కూడా కేసీఆర్ పాటలు వినిపించాయని కేటీఆర్ పేర్కొన్నారు. ప్రజల్లో బీఆర్ఎస్పై ఆదరణ కొనసాగుతోందని ఆయన వ్యాఖ్యానించారు.
