అయ్యప్ప ధర్మ ప్రచార సభ ఆధ్వర్యంలో ఘనంగా అన్నదానం

"ఉద్దెమర్రి శ్రీ విష్ణు శివాలయంలో భక్తులకు అన్నప్రసాద వితరణ"

శామీర్‌పేట, మేజర్ న్యూస్ (సెప్టెంబర్ 26):

మూడు చింతలపల్లి మున్సిపాలిటీ పరిధిలోని ఉద్దెమర్రి గ్రామంలోని శ్రీ అక్కన్న మాదన్న శ్రీ విష్ణు శివాలయంలో అఖిల భారతీయ అయ్యప్ప ధర్మ ప్రచార సభ (ఏబీఏపీ) మేడ్చల్ జిల్లా ఆధ్వర్యంలో అన్నప్రసాద వితరణ కార్యక్రమం ఘనంగా నిర్వహించారు. ఏబీఏపీ మేడ్చల్ జిల్లా అధ్యక్షుడు శ్రీపతి నాగరాజు ఆధ్వర్యంలో జరిగిన కార్యక్రమంలో జాతీయ కోశాధికారి రాయబారపు రవిరాజు, తెలంగాణ రాష్ట్ర అధ్యక్షుడు టీవీ పుల్లెం రాజు, రాష్ట్ర కార్యదర్శి దూశెట్టి భాస్కర్, గౌరవ అధ్యక్షుడు సత్యం గురుస్వామి పాల్గొన్నారు.ముఖ్య అతిథులు ఆలయంలో ప్రత్యేక పూజలు నిర్వహించి స్వామివారి ఆశీస్సులు పొందారు. అనంతరం భక్తులకు అన్నప్రసాదాన్ని వితరణ చేశారు. ప్రతి శనివారం ఆలయంలో నిర్వహిస్తున్న అన్నదానం భక్తులకు ఎంతో ఉపయోగకరంగా ఉందని, అన్నదానం ద్వారా సేవాభావాన్ని పెంపొందించవచ్చని నిర్వాహకులు తెలిపారు. కార్యక్రమంలో అయ్యప్ప భక్తులు, ఆలయ భక్తులు, ఏబీఏపీ ట్రస్ట్ సభ్యులు పెద్ద సంఖ్యలో పాల్గొన్నారు.రిపోర్టర్ టి.రవి గౌడ్