కరీంనగర్ రెడ్‌క్రాస్ ఎన్నికల్లో అవకతవకలు.. గవర్నర్‌కు ఫిర్యాదు
సూర్య కరీంనగర్: ఇండియన్ రెడ్‌క్రాస్ సొసైటీ కరీంనగర్ జిల్లా శాఖ ఎన్నికల్లో అవకతవకలు జరిగాయని అడ్వకేట్, మాజీ కార్పొరేటర్, రెడ్‌క్రాస్ లైఫ్ మెంబర్ ఏ.వి. రమణ ఆరోపించారు. ఎన్నికలకు ముందు 10 వేలకు పైగా ప్రభుత్వ ఉద్యోగులు, ప్రభుత్వ వ్యవస్థలతో సంబంధం ఉన్నవారికి సభ్యత్వాలు కల్పించినట్లు వచ్చిన ఆరోపణలపై సమగ్ర విచారణ జరపాలని కోరుతూ తెలంగాణ గవర్నర్‌కు ఫిర్యాదు చేసినట్లు తెలిపారు. జిల్లా కలెక్టర్ కార్యాలయం, టీఎన్జీవోస్ శాఖ పాత్రపై విచారణ చేపట్టాలని, ఓటర్ల జాబితాలు, సభ్యత్వ రికార్డులు, ఎన్నికల ఖర్చులను పరిశీలించాలని డిమాండ్ చేశారు. రిటైర్డ్ ఆర్డీవో మహేశ్వర్‌తో పాటు మరికొందరిపై క్రిమినల్ కేసులు ఉన్నాయన్న సమాచారాన్ని అధికారిక రికార్డుల ద్వారా పరిశీలించాలని కోరారు. ఎన్నికలపై తలెత్తిన ఆరోపణల నేపథ్యంలో ప్రస్తుత పాలకవర్గాన్ని చట్టప్రకారం రద్దు చేసి, స్వతంత్ర అధికారి పర్యవేక్షణలో పారదర్శకంగా మళ్లీ ఎన్నికలు నిర్వహించాలని ఏ.వి. రమణ డిమాండ్ చేశారు.
