పల్లె పండుగ 3.0తో గ్రామాల్లో అభివృద్ధి పరుగులు!

దగదర్తి, మేజర్ న్యూస్:  గ్రామీణ ప్రాంతాల్లో మౌలిక వసతుల అభివృద్ధే లక్ష్యంగా కూటమి ప్రభుత్వం చేపట్టిన పల్లె పండుగ 3.0 కార్యక్రమంలో భాగంగా దగదర్తి మండలం దామవరం పంచాయతీ పరిధిలోని నారాయణపురంలో అభివృద్ధి పనులకు శ్రీకారం చుట్టారు. గ్రామంలో రూ.10 లక్షల వ్యయంతో నిర్మించనున్న సీసీ రోడ్ల పనులకు ఎమ్మెల్యే కావ్య కృష్ణారెడ్డి శంకుస్థాపన చేశారు.

భారీ గజమాలతో ఘన స్వాగతం ఈ కార్యక్రమానికి విచ్చేసిన ఎమ్మెల్యే కావ్య కృష్ణారెడ్డికి టీడీపీ నాయకుడు అశోక్ ఆధ్వర్యంలో పార్టీ నాయకులు, కార్యకర్తలు, గ్రామస్తులు ఘన స్వాగతం పలికారు. భారీ గజమాలతో ఎమ్మెల్యేను సత్కరించి తమ అభిమానాన్ని చాటుకున్నారు. గ్రామాల్లో రహదారుల నిర్మాణం ద్వారా ప్రజలకు మెరుగైన రవాణా సౌకర్యాలు అందుబాటులోకి రానున్నాయి. పల్లె పండుగ 3.0 కార్యక్రమంతో గ్రామీణ ప్రాంతాల్లో అభివృద్ధి పనులకు ప్రాధాన్యత లభిస్తుండటంతో స్థానిక ప్రజలు హర్షం వ్యక్తం చేశారు.