మండపేటలో మెగా వైద్య శిబిరం

నేటి దినపత్రిక సూర్య బ్యూరో రాజమహేంద్రవరం

 : ఐడియల్ యూత్ మూవ్‌మెంట్ (ఐ వై ఎం) మండపేట శాఖ ఆధ్వర్యంలో అక్టోబర్ 11, ఆదివారం మెగా వైద్య పరీక్షల శిబిరం నిర్వహించనున్నట్లు సంస్థ మండపేట అధ్యక్షుడు అబ్దుల్ హామీద్ శనివారం తెలిపారు. మండపేట పట్టణంలోని గాంధీనగర్ అల్ అమీన్ మసీదు వద్ద ఉదయం 7 గంటల నుంచి మధ్యాహ్నం 1 గంట వరకు ఈ వైద్య పరీక్షల శిబిరం కొనసాగుతుందని వెల్లడించారు. వరదా స్కానింగ్ సెంటర్  సహకారంతో నిర్వహిస్తున్న ఈ శిబిరంలో థైరాయిడ్, కిడ్నీ, షుగర్, లివర్, కొలెస్ట్రాల్ ప్రొఫైల్ తదితర వైద్య పరీక్షలను అతి తక్కువ ధరలకే అందుబాటులో ఉంచుతున్నట్లు తెలిపారు. ముఖ్యంగా అల్ట్రాసౌండ్ స్కానింగ్ పరీక్షను కేవలం రూ.700కే చేయనున్నట్లు పేర్కొన్నారు.ప్రజలకు తక్కువ ఖర్చుతో వైద్య పరీక్షలు అందించాలనే ఉద్దేశంతో ఈ శిబిరాన్ని ఏర్పాటు చేసినట్లు అబ్దుల్ హామీద్ తెలిపారు. ఆరోగ్య సమస్యలను ముందుగానే గుర్తించి తగిన జాగ్రత్తలు తీసుకునేందుకు ఇటువంటి వైద్య శిబిరాలు ఎంతగానో ఉపయోగ పడతాయని పేర్కొన్నారు. మండపేట పట్టణంతో పాటు పరిసర ప్రాంతాల ప్రజలు ఈ అవకాశాన్ని సద్వినియోగం చేసుకుని, మెగా మెడికల్ టెస్ట్ క్యాంప్‌ను విజయవంతం చేయాలని ఆయన కోరారు.