గురవరాజుపల్లి మినీ గ్రంథాలయాన్ని తనిఖీ చేసిన జిల్లా గ్రంథాలయ సంస్థ చైర్మన్

గురవరాజుపల్లి మినీ గ్రంథాలయాన్ని తనిఖీ చేసిన జిల్లా గ్రంథాలయ సంస్థ చైర్మన్

రేణిగుంట మేజర్ న్యూస్: రేణిగుంట మండలం గురవరాజుపల్లిలోని మినీ గ్రంథాలయాన్ని ఉమ్మడి చిత్తూరు జిల్లా గ్రంథాలయ సంస్థ చైర్మన్ డాక్టర్ రెడ్డివారి గురువారెడ్డి శనివారం ఆకస్మికంగా తనిఖీ చేశారు. ఈ సందర్భంగా న్యూస్ పేపర్లు, పుస్తకాలు, రీడర్స్‌, హాజరు రిజిస్టర్లను పరిశీలించి, గ్రామస్తులు, పాఠకులతో మాట్లాడి గ్రంథాలయంలో అందుతున్న సౌకర్యాలపై ఆరా తీశారు. ఈ సందర్భంగా ఆయన మాట్లాడుతూ విద్యార్థులు పుస్తక పఠనాన్ని అలవర్చుకోవాలని, నిరుద్యోగ యువత ప్రభుత్వ జాబ్ క్యాలెండర్‌ను సద్వినియోగం చేసుకుని పోటీ పరీక్షలకు సిద్ధం కావాలని సూచించారు. గ్రంథాలయంలో అందుబాటులో ఉన్న పోటీ పరీక్షల పుస్తకాలను వినియోగించుకుని జ్ఞానాన్ని పెంపొందించుకోవాలన్నారు. కార్యక్రమంలో గ్రంథాలయ నిర్వాహకుడు భాను ప్రకాష్ రవి, గ్రామస్తులు పాల్గొన్నారు.

రేిపోర్టర్ : రమేష్ బాబు కొండల