కాశి కాలభైరవ స్వామివారిని దర్శించుకుంటున్న ఎమ్మెల్సీ త్రిమూర్తులు

నేటి దినపత్రిక సూర్య బ్యూరో రాజమహేంద్రవరం

 ఉత్తరప్రదేశ్ పర్యటనలో భాగంగా వారణాసి క్షేత్రంలో కొలువైన కాశీ క్షేత్రపాలకుడు శ్రీ కాలభైరవ స్వామిని ఎమ్మెల్సీ తోట త్రిమూర్తులు దర్శించుకున్నారు. ఈ సందర్భంగా స్వామివారికి ప్రత్యేక పూజలు నిర్వహించి, రాష్ట్ర ప్రజలంతా సుఖసంతోషాలతో, ఆయురారోగ్యాలతో ఉండాలని, రాష్ట్రం సుభిక్షంగా, సస్యశ్యామలంగా వర్ధిల్లాలని ప్రార్థించారు. అనంతరం ఆలయ అర్చకులు ఎమ్మెల్సీ తోట త్రిమూర్తులకు తీర్థప్రసాదాలు అందజేసి, వేద ఆశీర్వచనం పలికారు.