కడ్తాల్ మండలానికి పదేళ్లు.. కేసీఆర్ చిత్రపటానికి పాలాభిషేకం

కడ్తాల్: తెలంగాణ రాష్ట్రంలో బీఆర్ఎస్ అధినేత, మాజీ ముఖ్యమంత్రి కేసీఆర్ హయాంలో కడ్తాల్ మండలం ఏర్పాటై పదేళ్లు పూర్తయిన సందర్భంగా మండల బీఆర్ఎస్ శ్రేణులు సోమవారం సంబరాలు చేసుకున్నారు.

కడ్తాల్ మండల కేంద్రంలో మాజీ రాష్ట్ర యూత్ వింగ్ జనరల్ సెక్రటరీ కేశని మహేష్ ఆధ్వర్యంలో బీఆర్ఎస్ శ్రేణులు కేసీఆర్ చిత్రపటానికి పాలాభిషేకం చేసి తమ కృతజ్ఞతను చాటుకున్నారు. అనంతరం స్వీట్లు పంచిపెట్టారు.

తెలంగాణ ఏర్పాటు అనంతరం పరిపాలనను ప్రజలకు చేరువ చేయాలనే లక్ష్యంతో కేసీఆర్ ప్రభుత్వం కొత్త మండలాలను ఏర్పాటు చేసింది. అందులో భాగంగా 2016లో కడ్తాల్ ను మండలంగా ఏర్పాటు చేయడంతో స్థానిక ప్రజలకు ప్రభుత్వ కార్యాలయాలు, సేవలు అందుబాటులోకి వచ్చాయని నాయకులు పేర్కొన్నారు. కడ్తాల్ ను మండలంగా చేసిన కేసీఆర్ కు మండల ప్రజల తరఫున కృతజ్ఞతలు తెలిపారు.

ఈ కార్యక్రమంలో సింగిల్ విండో చైర్మన్ గంపా వెంకటేష్ గుప్తా, మాజీ జడ్పీటీసీ దశరత్ నాయక్, మాజీ సర్పంచ్ లక్ష్మీనర్సింహారెడ్డి, బీసీ సంఘం మండల అధ్యక్షుడు గణేష్ గౌడ్, మాజీ మార్కెట్ డైరెక్టర్ లయక్ అలీ, రామకృష్ణ, లక్ష్మణాచారి, రామచంద్రయ్య, మూడ అశోక్, నాగార్జున, మహేష్, వెంకటేష్, పాండు, మహేష్, అంజి, శ్రీకాంత్, సురేష్, బీఆర్ఎస్ నాయకులు, కార్యకర్తలు పాల్గొన్నారు.