జర్నలిస్టుల ఆందోళనను విజయవంతం చేయాలి

ప్రభుత్వంపై ఒత్తిడి తేవాలి టీయూడబ్ల్యూజే జిల్లా ఉపాధ్యక్షుడు మురళీధర్

మేడ్చల్, మేజర్ న్యూస్ (అక్టోబర్ 1): జర్నలిస్టుల సమస్యల పరిష్కారానికి ప్రభుత్వంపై ఒత్తిడి తీసుకువచ్చేందుకు అక్టోబర్ 2న కూకట్‌పల్లిలో నిర్వహించనున్న శాంతియుత ఆందోళన కార్యక్రమాన్ని విజయవంతం చేయాలని టీయూడబ్ల్యూజే మేడ్చల్ జిల్లా ఉపాధ్యక్షుడు మండల మురళీధర్ పిలుపునిచ్చారు.టీయూడబ్ల్యూజే రాష్ట్ర కమిటీ పిలుపు మేరకు కేపీహెచ్‌బీ మెయిన్‌రోడ్డులోని గాంధీ విగ్రహం వద్ద శుక్రవారం ఉదయం ఆందోళన నిర్వహించనున్నట్లు తెలిపారు. ప్రజాపాలన ప్రారంభమై మూడేళ్లు గడుస్తున్నా జర్నలిస్టుల సమస్యల పరిష్కారానికి ప్రభుత్వం తగిన చర్యలు చేపట్టకపోవడం ఆందోళనకరమన్నారు.జర్నలిస్టుల ఆరోగ్య భద్రత కోసం గతంలో అమల్లో ఉన్న హెల్త్ స్కీంను పునరుద్ధరించాలని డిమాండ్ చేశారు. ఉద్యోగులతో సమానంగా జర్నలిస్టులకు ఆరోగ్య భద్రత కల్పిస్తామని ప్రభుత్వం ఇచ్చిన హామీలు అమలుకు నోచుకోలేదన్నారు. జర్నలిస్టులకు ఇళ్లు, ఇళ్ల స్థలాల సమస్యను పరిష్కరించడంతో పాటు వేతన బోర్డు, జర్నలిస్టుల రక్షణ చట్టాలను అమలు చేయాలని కోరారు.జర్నలిస్టుల సమస్యల పరిష్కారం కోసం చేపడుతున్న ఈ శాంతియుత ఆందోళనలో జర్నలిస్టులు పెద్ద సంఖ్యలో పాల్గొని విజయవంతం చేయాలని మురళీధర్ కోరారు. 

రిపోర్టర్ తలారి శివకుమార్.