andhrapradesh
మహనీయుల ఆశయ సాధనకు ప్రతి ఒక్కరూ కృషి చేయాలి: జనసేన నేత గురాన అయ్యలు
విజయనగరం అక్టోబర్ 2, మేజర్ న్యూస్:
జాతిపిత మహాత్మా గాంధీ, మాజీ ప్రధాని లాల్ బహదూర్ శాస్త్రి జయంతులను పురస్కరించుకుని విజయనగరంలోని జనసేన పార్టీ నేత గురాన అయ్యలు కార్యాలయంలో శుక్రవారం వేడుకలను ఘనంగా నిర్వహించారు. ఈ సందర్భంగా వారి చిత్రపటాలకు పూలమాలలు వేసి నివాళులర్పించారు.
ఈ సందర్భంగా గురాన అయ్యలు మాట్లాడుతూ... దేశ స్వాతంత్ర్యం, ప్రగతికి మహాత్మా గాంధీ, లాల్ బహదూర్ శాస్త్రి చేసిన సేవలు చిరస్మరణీయమని కొనియాడారు. మహనీయులు చూపిన మార్గంలో నడుస్తూ, వారి ఆశయ సాధనకు ప్రతి ఒక్కరూ కృషి చేయాలని పిలుపునిచ్చారు.
ఈ కార్యక్రమంలో నాయకులు పి.అప్పలరాజు, కె. సతీష్, కె.రాజేష్, దువ్వు రాము, భరత్, పవన్ కుమార్, వెంకటేష్, రవి పట్నాయిక్, శంకర్రావు, వజ్రపు నవీన్ కుమార్, , అరవింద్ తదితరులు పాల్గొన్నారు.
