జాతిపిత మహాత్మా గాంధీ జయంతి అక్టోబర్ 2వ తేదీని 'పనిచేస్తున్న పాత్రికేయుల డిమాండ్ల దినం'గా పాటించాలి

టియుడబ్ల్యూజె (ఐజెయు) వికారాబాద్ జిల్లా జిల్లా అధ్యక్షుడు శ్రీనివాస్ చారి 
వికారాబాద్ జిల్లా ప్రతినిధి,మేజర్ న్యూస్(అక్టోబర్ 02): : జాతిపిత మహాత్మా గాంధీ జయంతి అక్టోబర్ 2వ తేదీని 'పనిచేస్తున్న పాత్రికేయుల డిమాండ్ల దినం'గా పాటించాలని టియుడబ్ల్యూజె (ఐజెయు) వికారాబాద్ జిల్లా జిల్లా అధ్యక్షుడు శ్రీనివాస్ చారి డిమాండ్ చేశారు. రాష్ట్ర కమిటీ పిలుపు మేరకు శుక్రవారం వికారాబాద్ జిల్లా కేంద్రంలో టియుడబ్ల్యూజె (ఐజెయు) వికారాబాద్ జిల్లా జిల్లా శాఖ ఆధ్వర్యంలో గాంధీ విగ్రహానికి పూల మాలలు వేసి ఘనంగా నివాళులు అర్పించి, వినతి పత్రం అందజేశారు. ఈ సందర్బంగా ఆయన మాట్లాడుతూ,…. దేశవ్యాప్తంగా పనిచేస్తున్న పాత్రికేయులు,  మీడియా పరిశ్రమకు సంబంధించిన కీలకమైన, దీర్ఘకాలంగా పెండింగ్‌లో ఉన్న సమస్యలపై తక్షణమే పరిష్కరించాలన్నారు.
రెండవ పత్రికా కమిషన్‌ను 1978లో నియమించగా, అది 1982లో తన నివేదికను సమర్పించిందని, గత నాలుగు దశాబ్దాలుగా 24/7 ప్రసార నెట్‌వర్క్‌లు, డిజిటల్ వార్తా వేదికలు, ప్రజా చర్చలను తీవ్రంగా ప్రభావితం చేసే సోషల్ మీడియా వ్యవస్థల ఆవిర్భావంతో భారత మీడియా రంగం అపూర్వమైన పరివర్తనకు లోనైందని తెలిపారు. జిల్లా ప్రధాన కార్యదర్శి కొత్తపల్లి శ్రీధర్, జిల్లా కోశాధికారి, జిల్లా అక్రిడేషన్ సభ్యుడు రాఘవేందర్ మాట్లాడుతూ…,పాత్రికేయులు, మీడియా సంస్థల భద్రత కోసం ఒక ప్రత్యేక కేంద్ర చట్టాన్ని రూపొందించాలని డిమాండ్ చేశారు. రాష్ట్రంలో జర్నలిస్టులకు కాంగ్రెస్ ప్రభుత్వం తన ఎన్నికల ప్రణాళికలో ఇచ్చిన హామీ మేరకు ఇళ్లు, ఇళ్లస్థలాల  సమస్య పరిష్కరించాలని తెలిపారు. ఉద్యోగులకు ఇచ్చిన విధంగా జర్నలిస్టులకు  హెల్త్ కార్డులు  ఇచ్చి క్యాష్ లెస్ ట్రీట్మెంట్ అందించాలని డిమాండ్ చేశారు. జర్నలిస్టులపై నిత్యం జరుగుతున్న దాడులను అరికట్టేందుకు తగిన చట్టం తీసుకు  రావాలని రాష్ట్ర ప్రభుత్వాన్ని డిమాండ్ చేశారు. ఈ కార్యక్రమంలో జర్నలిస్ట్ సంఘం నాయకులు షఫీ, వెంకటేష్, అశోక్, ప్రవీణ్ చారి, రాజు, రవీందర్, ప్రమోద్, శ్రీకాంత్ తదితరులు పాల్గొన్నారు.

కుమ్మరి రాఘవేందర్, వికారాబాద్ జిల్లా ప్రతినిధి.