ఘనంగా గడ్డం వెంకటస్వామి జయంతి వేడుకలు

సూర్య కరీంనగర్ ప్రతినిధి:కరీంనగర్ డీసీసీ కార్యాలయంలో మాజీ ఎంపీ, మాజీ సీడబ్ల్యూసీ సభ్యుడు, దళిత ఉద్యమ నేత స్వర్గీయ గడ్డం వెంకటస్వామి (కాకా) జయంతి వేడుకలను సోమవారం ఘనంగా నిర్వహించారు. ఈ కార్యక్రమానికి చొప్పదండి ఎమ్మెల్యే, కరీంనగర్ జిల్లా కాంగ్రెస్ అధ్యక్షులు డా. మేడిపల్లి సత్యం ముఖ్య అతిథిగా హాజరై గడ్డం వెంకటస్వామి చిత్రపటానికి పూలమాల వేసి నివాళులర్పించారు. దళితులు, బడుగు బలహీన వర్గాల అభ్యున్నతికి వెంకటస్వామి చేసిన సేవలను ఈ సందర్భంగా కాంగ్రెస్ నాయకులు స్మరించుకున్నారు.