గర్భిణీలు పోషకాహారాన్ని తప్పనిసరిగా తీసుకోవాలి

ఇల్లందు సూర్యా ప్రతినిధి: 

గర్భిణీలు పోషకాహారాన్ని తప్పనిసరిగా తీసుకోవాలని కౌన్సిలర్ దండుసారయ్య అన్నారు. బుధవారం మున్సిపాలిటీలో 13వ వార్డులోని హమాలి బస్తీలో అంగన్వాడి సెంటర్ లో పోషణ మాస మహోత్సవాలను ఐసిడిఎస్ అధికారి అరుణతో కలిసి కార్యక్రమాన్ని ప్రారంభించారు. ఈ సందర్భంగా దండు సారయ్య మాట్లాడుతూ పోషకాహారం, ఆరోగ్యం, తల్లి బిడ్డల సంరక్షణ పై పోషకాహార మాస ఉత్సవాలలో అవగాహన కల్పించడం జరుగుతుందన్నారు. పిల్లల ఆరోగ్య కరమైన ఎదుగుదలకు పోషకాహారం ఎంతో తోడ్పాటును అందిస్తుందన్నారు. అంగన్వాడి కేంద్రాల ద్వారా అందుతున్న సేవలను గర్భిణీలు సద్వినియోగం చేసుకోవాలని అన్నారు. పోషకాహార లోపం నివారించేందుకు ప్రతి కుటుంబం ఆరోగ్యకరమైన ఆహారపు అలవాట్లను పాటించాలన్నారు. అనంతరం చిన్నారులకు మహిళలకు పోషకాహారం ప్రాధాన్యత వివరాలను తెలియజేసి అవగాహన కల్పించారు. ఈ కార్యక్రమంలో సూపర్వైజర్ రోహిణి, అంగన్వాడి టీచర్లు, గర్భిణీలు బాలింతలు తదితరులు పాల్గొన్నారు.

ఇల్లందు సూర్య రూరల్ రిపోర్టర్ డానియల్