కాంగ్రెస్ పథకాలతో గ్రామాల్లో పండుగ వాతావరణం

సీఎం రిలీఫ్ ఫండ్ చెక్కులు,  స్మార్ట్ రేషన్ కార్డులు పంపిణీ చేసిన ఎమ్మెల్యే రాగమయి దయానంద్

ఉమ్మడి ఖమ్మం జిల్లా బ్యూరో చీఫ్ / పెనుబల్లి సూర్య మేజర్ న్యూస్

కాంగ్రెస్ ప్రభుత్వం అందిస్తున్న పథకాలతో గ్రామాలలో పండుగ వాతావరణం నెలకొందని ముఖ్యంగా మహిళలు సంతోషంగా ఉన్నారని సత్తుపల్లి  శాసనసభ్యులు డాక్టర్ మట్టా రాగమయి దయానంద్ అన్నారు. కల్లూరు మండలంలోని పెద్ద కోరుకొండి, చిన్న కోరుకొండి, ఎర్ర బోయినపల్లి, చెన్నూరు గ్రామాలలో బుధవారం ఆమె పర్యటించారు. తెలంగాణ ప్రభుత్వం ప్రవేశపెట్టిన స్మార్ట్ రేషన్ కార్డులను లబ్ధిదారులకు ఆమె అందజేశారు. కల్లూరు మున్సిపాలిటీ పరిధిలో 71 మంది లబ్ధిదారులకు  19,14,500 రూపాయల సీఎం రిలీఫ్ ఫండ్ చెక్కులను ఎమ్మెల్యే అందజేశారు. ఈ సందర్భంగా ఆయా గ్రామాల ప్రజలతో మమేకమై ముఖ్యమంత్రి రేవంత్ రెడ్డి నాయకత్వంలోని కాంగ్రెస్ ప్రభుత్వం అందిస్తున్న సంక్షేమ పథకాలు, అభివృద్ధిని వివరించారు. సత్తుపల్లి నియోజకవర్గ అభివృద్ధికి సహకరిస్తున్న ఉపముఖ్యమంత్రి బట్టి విక్రమార్క, మంత్రులు పొంగులేటి శ్రీనివాస్ రెడ్డి, తుమ్మల నాగేశ్వరరావు లకు ప్రత్యేక ధన్యవాదాలు తెలియజేశారు. ఈ కార్యక్రమంలో అధికారులు, ఎంసీ చైర్మన్ భాగం నీరజ, సర్పంచులు, కాంగ్రెస్ పార్టీ నాయకులు, తదితరులు పాల్గొన్నారు.