telanagana
బదిలీపై వెళ్లిన ఎస్సీ సంక్షేమ శాఖ అధికారికి సన్మానం
సూర్య జగిత్యాల ప్రతినిధి:జగిత్యాల జిల్లాలో ఎస్సీ సంక్షేమ శాఖ అధికారిగా విధులు నిర్వహించి, ఇటీవల బదిలీపై వెళ్లిన ఎస్సీ సంక్షేమ అధికారి రాజ్కుమార్ను జిల్లా కలెక్టర్ బి.సత్య ప్రసాద్ ఘనంగా సన్మానించారు. ఈ సందర్భంగా జిల్లా కలెక్టర్ మాట్లాడుతూ, ఎస్సీ సంక్షేమ శాఖ ద్వారా ప్రభుత్వం అమలు చేస్తున్న వివిధ సంక్షేమ కార్యక్రమాలను అర్హులైన లబ్ధిదారులకు చేరేలా సమన్వయంతో పనిచేయడంలో రాజ్కుమార్ అందించిన సేవలను అభినందించారు. ఈ కార్యక్రమంలో అదనపు కలెక్టర్ (లోకల్ బాడీస్). రాజా గౌడ్, బి సి సంక్షేమ అధికారి జయరాజ్, జిల్లా అధికారులు, ఎస్సీ సంక్షేమ శాఖ సిబ్బంది పాల్గొన్నారు.
