గాయకుడు చామనపల్లి లక్ష్మీనారాయణకు ఘన సన్మానం
గాయకుడు చామనపల్లి లక్ష్మీనారాయణకు ఘన సన్మానం
సూర్య బోయినపల్లి:తెలంగాణ భాషా సాంస్కృతిక శాఖ, సంకల్ప స్వచ్ఛంద సేవా సంస్థల సంయుక్త ఆధ్వర్యంలో కరీంనగర్ ఫిలిం భవన్ వేదికగా నిర్వహించిన రాష్ట్ర స్థాయి జానపద సాంస్కృతిక జాతరలో బోయినపల్లికి చెందిన ప్రముఖ గాయకుడు చామనపల్లి లక్ష్మీనారాయణ విశేష ప్రతిభ కనబరిచి ప్రశంసాపత్రం అందుకున్నారు. ఈ సందర్భంగా ఆయనను కళాకారులు ఘనంగా సత్కరించారు.లక్ష్మీనారాయణ ప్రతిభను అభినందిస్తూ జిల్లా ఉద్యమ కళాకారుల విభాగం ఉపాధ్యక్షుడు కనపర్తి హనుమండ్లు, రాష్ట్ర కన్వీనర్ ఎల్ల పోశెట్టి, ఉత్తర తెలంగాణ కోఆర్డినేటర్ బొడ్డు రాములు శాలువాతో సన్మానించారు. గ్రామీణ స్థాయి నుంచి రాష్ట్ర వేదికపై ప్రతిభ చూపి మండలానికి గుర్తింపు తేవడం గర్వకారణమని వక్తలు పేర్కొన్నారు.ఈ కార్యక్రమంలో జిల్లా ఉద్యమ కళాకారుల విభాగం అధ్యక్షుడు వారాల దేవయ్య, మండల ప్రధాన కార్యదర్శి బిల్ల వెంకటనర్సయ్య, గాయకులు గడిల రవి, దూస కిషోర్, తబలా కళాకారులు బిల్ల శంకర్, శ్రీపతి చంద్రమౌళి, మెరుపుల గంగాధర్, పెరుమాండ్ల నారాయణ తదితరులు పాల్గొన్నారు.
