telanagana
ఎల్‌నినోపై రేపు మంత్రులతో అత్యవసర భేటీ!
హైదరాబాద్, సూర్య ప్రధాన ప్రతినిధి:రాష్ట్రంలో ఎల్‌నినో ప్రభావం, దానివల్ల తలెత్తే పరిస్థితులపై చర్చించేందుకు ముఖ్యమంత్రి రేవంత్ రెడ్డి రేపు (గురువారం) ఉదయం 11 గంటలకు మంత్రులతో ఉన్నత స్థాయి సమావేశం నిర్వహించనున్నారు. రాష్ట్రంలో మారుతున్న వాతావరణ పరిస్థితులు, వర్షాభావ పరిస్థితులు లేదా రాబోయే పరిణామాలపై ఈ భేటీలో ప్రధానంగా చర్చించనున్నారు. ముఖ్యంగా ఎల్‌నినో ప్రభావంపై అన్నదాతలను ముందస్తుగా అప్రమత్తం చేయడం, తగిన వ్యవసాయ ప్రణాళికలను సిద్ధం చేయడంపై ప్రభుత్వం ప్రత్యేక దృష్టి సారించినట్లు తెలుస్తోంది.
