telanagana
బుచ్చిరాం అంత్యక్రియల్లో పాల్గొని పాడె మోసిన మాజీ ఎమ్మెల్యే
సూర్య, పెంచికల్‌పేట్: పెంచికల్‌పేట్ మండలం కమ్మర్‌గాం గ్రామానికి చెందిన సీనియర్ నాయకుడు, సుమారు 30 సంవత్సరాల పాటు సర్పంచ్‌గా ప్రజలకు సేవలందించిన పోర్తీటి బుచ్చిరాం మృతి చెందారు. ఆయన మృతి విషయం తెలుసుకున్న సిర్పూర్ మాజీ ఎమ్మెల్యే కోనేరు కోనప్ప కమ్మర్‌గాం గ్రామంలోని బుచ్చిరాం స్వగృహానికి చేరుకుని పార్థివదేహానికి పూలమాల వేసి నివాళులర్పించారు.అనంతరం బుచ్చిరాం అంత్యక్రియల్లో కోనేరు కోనప్ప పాల్గొని పాడె మోశారు. ఈ సందర్భంగా బుచ్చిరాం సుదీర్ఘకాలం అందించిన ప్రజాసేవలను ఆయన స్మరించుకున్నారు. బుచ్చిరాం కుటుంబ సభ్యులను పరామర్శించి ప్రగాఢ సానుభూతి తెలిపారు.ఈ కార్యక్రమంలో మండల నాయకులు, కార్యకర్తలు, అభిమానులు, గ్రామస్థులు తదితరులు పాల్గొన్నారు.
