అమ్మవారి ఆశీస్సులతో అందరూ చల్లగా ఉండాలి 

కొల్చారం …దుర్గామాత ఆశీస్సులతో ప్రజలందరూ చల్లగుండాలని బి ఆర్ ఎస్ యువత విభాగం అధ్యక్షుడు తణుకులపల్లి సంతోష్ రావు కోరారు. దేవి నవరాత్రి ఉత్సవాల సందర్భంగా సంతోష్ రావు శుక్రవారం సాయంత్రం కొల్చారం, వెంకటాపూర్ గ్రామాలలో పర్యటించారు. ఈ సందర్భంగా  కొల్చారంలోని శివాలయం, వీరభద్ర ఆలయం, వెంకటాపూర్ గ్రామంలో ఏర్పాటుచేసిన దేవి మంటపాలలో సరస్వతి దేవి రూపంలో ఉన్న అమ్మవారిని ఆయన దర్శించుకున్నారు. అమ్మవారికి కొబ్బరికాయలు కొట్టి ప్రత్యేక పూజలు చేశారు. సంతోష్ రావు తన వంతు కానుకగా అమ్మవారి మంటపాలకు నగదు సహాయం అందజేశారు.  అనంతరం పలువురు నాయకులు సంతోష్ రావును శాలువాతో సత్కరించారు. ఈ కార్యక్రమంలో ఉప సర్పంచ్ రాణి గోపి, మాజీ ఉపసర్పంచులు చెన్నయ్య, చిన్న రాములు, కృష్ణ,  వార్డు మెంబర్లు సత్యనారాయణ, లక్ష్మి కిష్టయ్య, షేకులు, వనమాల రాణి శ్రీధర్, జూలకంటి సంగమేశ్వర్, నాయకులు పాండ్ర వెంకటేశం, ఆకుల సిద్ధి రాములు, భాస్కర్,  ఆంజనేయులు, అశోక్, ధనరాజ్, ఆరే రవీందర్, సురేష్,  యువకులు పాల్గొన్నారు.