మార్షల్ ఆర్ట్స్ లో దుద్దెడ యువకుడికి బ్లాక్ బెల్ట్

కొండపాక :హైదరాబాద్‌లో ప్రతిష్ఠాత్మకంగా నిర్వహించిన ఓకినవా మార్షల్ ఆర్ట్స్ అకాడమీ బ్లాక్ బెల్ట్ గ్రేడింగ్ పరీక్షల్లో దుద్దెడ యువకుడు గజ్వేల్ కిషోర్ ఘన ప్రతిభ కనబరిచారు. కరాటేలో అత్యుత్తమ ప్రదర్శన కనబరిచి ఆయన 'బ్లాక్ బెల్ట్' సాధించినట్లు కరాటే సమాఖ్య ప్రతినిధులు వెల్లడించారు. ఈ సందర్భంగా నిర్వహించిన ప్రత్యేక కార్యక్రమంలో గ్రాండ్ మాస్టర్ శ్రీనివాసన్ చేతుల మీదుగా గజ్వేల్ కిషోర్ అధికారికంగా బ్లాక్ బెల్ట్‌ను అందుకున్నారు. కఠోర సాధన, అంకితభావంతో కిషోర్ ఈ ఘనత సాధించడం అభినందనీయమని కరాటే సమాఖ్య ప్రతినిధి, ఇంస్ట్రక్టర్ బ్లాక్ బెల్ట్ ఫిఫ్త్ డాన్ తిరుపతి నర్సింలు తెలిపారు. ఈ సందర్భంగా గ్రామస్థులు పలువురు కిషోర్ ను అభినందించారు.