నకిలీ పోలీస్ అవతారం ఎత్తి మోసం

నకిలీ పోలీస్ అవతారం  ఎత్తి మోసం

ఉద్యోగం ఇప్పిస్తామని రూ.7 లక్షలు డిమాండ్....    

   నిందితులను అరెస్టు చేసి రిమాండ్ కు తరలింపు

 యాచారం: పోలీస్ కానిస్టేబుల్ ఉద్యోగం ఇప్పిస్తామని నమ్మించి డబ్బులు వసూలు చేసిన ఘటనలో సయ్యద్ సమీర్, వినాయక్‌లపై యాచారం పోలీస్ స్టేషన్‌లో కేసు నమోదైంది. బాధితుడు మోరా ఎదు కొండులు ఇచ్చిన ఫిర్యాదు మేరకు యాచారం సీఐ నందీశ్వర్ రెడ్డి. ఎస్సై సతీష్. లు కేసు నమోదు చేసి దర్యాప్తు చేపట్టారు.
ఫిర్యాదు వివరాల ప్రకారం.. కానిస్టేబుల్ ఉద్యోగం ఇప్పిస్తామని నమ్మించిన నిందితులు తొలుత రూ.2,500 వసూలు చేసి నకిలీ రసీదు ఇచ్చినట్లు బాధితుడు ఆరోపించారు. అనంతరం ఉద్యోగం ఇప్పించేందుకు రూ.7 లక్షలు ఇవ్వాలని డిమాండ్ చేసినట్లు ఫిర్యాదులో పేర్కొన్నారు.
ఉద్యోగాల పేరుతో మోసపోవద్దు
ఈ ఘటన నేపథ్యంలో యాచారం పోలీస్ స్టేషన్ ఎస్‌హెచ్‌ఓ ప్రజలకు పలు సూచనలు చేశారు. ప్రభుత్వ ఉద్యోగాలు ఇప్పిస్తామని చెప్పి డబ్బులు అడిగే వ్యక్తుల పట్ల అప్రమత్తంగా ఉండాలని సూచించారు. మధ్యవర్తులను నమ్మి డబ్బులు చెల్లించి మోసపోవద్దని, ఉద్యోగ నియామకాలకు సంబంధించి అధికారిక ప్రకటనలు, సంబంధిత ప్రభుత్వ శాఖల సమాచారాన్ని మాత్రమే విశ్వసించాలని తెలిపారు. ఎవరైనా ఉద్యోగాల పేరుతో డబ్బులు డిమాండ్ చేస్తే వెంటనే పోలీసులకు ఫిర్యాదు చేయాలని ఎస్‌హెచ్‌ఓ కోరారు. ఈ మేరకు కేసు కట్టి నిండుతులను రీమాండ్ కు తరలించినట్లు తెలిపారు

 కొండ్రు శివ, మేజర్ న్యూస్