నిజాయితీగూడెంలో నేత్రపర్వంగా శ్రీ దుర్గామాత కుంకుమ పూజలు

సూర్య - మానకొండూర్: మండలం నిజాయితీగూడెం గ్రామంలో శ్రీ దుర్గాభవాని దసరా నవరాత్రి ఉత్సవాల్లో భాగంగా శ్రీ దుర్గామాత ఉత్సవ కమిటీ ఆధ్వర్యంలో కుంకుమ పూజల కార్యక్రమం నేత్రపర్వంగా జరిగింది. ఈ ఆధ్యాత్మిక కార్యక్రమంలో గ్రామ మహిళలు అత్యంత భక్తిశ్రద్ధలతో, పెద్ద సంఖ్యలో పాల్గొని అమ్మవారికి ప్రత్యేక కుంకుమ పూజలు నిర్వహించారు.పూజా కార్యక్రమాల అనంతరం భక్తులకు మహా అన్నప్రసాద వితరణ చేపట్టారు. ఈ సందర్భంగా భక్తులు అధిక సంఖ్యలో హాజరై తీర్థప్రసాదాలు స్వీకరించి, అమ్మవారి కృపకు పాత్రులయ్యారు.ఈ కార్యక్రమంలో ఉత్సవ కమిటీ సభ్యులు శామంతుల శ్రీనివాస్, ఆడెపు రమేష్, దొంగల శ్రీధర్‌లతో పాటు గ్రామ పురప్రముఖులు, మహిళలు, భక్తులు పెద్ద ఎత్తున పాల్గొన్నారు.