బంగారం ప్రియులకు భారీ ఊరట.. భారీగా పడిపోయిన గోల్డ్, సిల్వర్ ధరలు.. తెలుగు రాష్ట్రాల్లో ఇవాల్టి రేట్లు ఇవే!
సూర్య బిజినెస్ డెస్క్: పండుగ సీజన్ సమీపిస్తున్న వేళ బంగారం, వెండి కొనుగోలు చేయాలని భావించేవారికి ఇది నిజంగా శుభవార్త అనే చెప్పాలి. గత కొన్ని రోజులుగా దేశీయ మార్కెట్లో వరుసగా తగ్గుతూ వస్తున్న పసిడి ధరలు శనివారం మరింత దిగొచ్చాయి. అంతర్జాతీయ మార్కెట్లో నెలకొన్న పరిణామాలు, భౌగోళిక రాజకీయ ఉద్రిక్తతల కారణంగా క్రూడ్ ఆయిల్ ధరలు పెరుగుతుండటంతో ద్రవ్యోల్బణంపై తీవ్ర ప్రభావం పడుతోంది. ఈ పరిణామాల నేపథ్యంలో అమెరికా ఫెడ్ రిజర్వ్ బ్యాంక్ మరోసారి వడ్డీ రేట్లను పెంచే అవకాశం ఉందనే అంచనాలు వెలువడుతున్నాయి. ఈ అంచనాల కారణంగానే అంతర్జాతీయంగా గోల్డ్ రేట్లు క్రాష్ అవుతుండగా, దాని ప్రభావం నేరుగా దేశీయ బులియన్ మార్కెట్పై పడి పసిడి పతనం కొనసాగుతోంది.
తెలుగు రాష్ట్రాలైన ఆంధ్రప్రదేశ్, తెలంగాణ వ్యాప్తంగా ప్రధాన నగరాలైన హైదరాబాద్, విజయవాడ, విశాఖపట్నంలో బంగారం ధరలు భారీగానే తగ్గావు. ప్రస్తుత బులియన్ మార్కెట్ లెక్కల ప్రకారం, పది గ్రాముల 24 క్యారెట్ల స్వచ్ఛమైన బంగారం ధర రూ.1,47,430 వద్ద కొనసాగుతుండగా, సామాన్యులు ఎక్కువగా కొనుగోలు చేసే 22 క్యారెట్ల తులం బంగారం ధర రూ.1,35,140 వద్ద ట్రేడవుతోంది. చెన్నై మరియు బెంగళూరు లాంటి నగరాల్లో కూడా ఇవే ధరలు కొనసాగుతుండగా, దేశ రాజధాని ఢిల్లీలో మాత్రం పన్నులు ఇతర స్థానిక వ్యత్యాసాల కారణంగా 24 క్యారెట్ల బంగారం ధర రూ.1,47,580 వద్ద, 22 క్యారెట్ల రేటు రూ.1,35,290 వద్ద విక్రయమవుతోంది.
బంగారంతో పాటు వెండి ధరలు కూడా భారీగా పడిపోవడం వినియోగదారులకు ఊరటనిస్తోంది. తెలుగు రాష్ట్రాల్లో కిలో వెండి ధర భారీగా తగ్గి ప్రస్తుతం రూ.2,39,900 వద్ద కొనసాగుతోంది. నిన్నటితో పోలిస్తే వెండి రేటు రెండు లక్షల నలభై వేల రూపాయల నుంచి రూ.2,39,900 కు పడిపోయింది. దేశ రాజధాని ఢిల్లీ మరియు బెంగళూరు నగరాలలో కిలో వెండి ధర రూ.2,29,900 వద్ద ట్రేడవుతోంది. అంతర్జాతీయ మార్కెట్లో చోటుచేసుకుంటున్న ఈ ఊహించని మార్పుల వల్ల రానున్న రోజుల్లోనూ పసిడి, సిల్వర్ ధరలు స్థిరంగా ఉండే అవకాశం ఉందని లేదా మరింత తగ్గే అవకాశం ఉందని మార్కెట్ నిపుణులు అంచనా వేస్తున్నారు.
పండుగలు, పెళ్లిళ్ల సీజన్ కావడంతో బంగారం కొనుగోళ్లకు ఇది సరైన సమయమని కొనుగోలుదారులు భావిస్తున్నారు. గతంతో పోలిస్తే రేట్లు గణనీయంగా తగ్గుముఖం పట్టడంతో బులియన్ మార్కెట్లలో కొనుగోళ్ల సందడి మళ్లీ మొదలవుతోంది. స్థానిక నగల దుకాణాలలో వినియోగదారులు ఆభరణాల తయారీ, జీఎస్టీ వంటి అదనపు ఛార్జీలను బట్టి తుది ధరల్లో స్వల్ప తేడాలు ఉండే అవకాశం ఉంది. గ్లోబల్ మార్కెట్ సంకేతాలను బట్టి ఎప్పటికప్పుడు మారుతున్న ఈ రేట్లపై సామాన్యులు, పెట్టుబడిదారులు ప్రత్యేకంగా దృష్టి సారిస్తున్నారు.
