18 వ వార్డు లో ఘనంగా నవరాత్రి ఉత్సవాలు

షాద్‌నగర్ ,మేజర్ న్యూస్…మున్సిపాలిటీ పరిధిలోని 18వ వార్డు శ్రీనగర్ కాలనీలో కౌన్సిలర్ జామాల్ పూర్ సంతోషి చందూలాల్ ఆధ్వర్యంలో మరియు ఠాగూర్ యూత్ అసోసియేషన్  నిర్వహిస్తున్న దుర్గామాత నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఈ సందర్భంగా షాద్‌నగర్ ఎమ్మెల్యే వీర్లపల్లి శంకర్, ఎమ్మెల్యే ప్రతాప్ రెడ్డి అమ్మవారిని దర్శించుకుని ప్రత్యేక పూజలు నిర్వహించారు. ప్రజలంతా సుఖసంతోషాలతో, ఆయురారోగ్యాలతో ఉండాలని ప్రార్థించారు. అనంతరం వాారిని   శాలువాతో సత్కరించారు. ఈ సందర్భంగా భక్తులకు అన్నప్రసాద వితరణ చేపట్టారు. పండుగలు, ఆధ్యాత్మిక కార్యక్రమాలు ప్రజల్లో ఐకమత్యం, సోదరభావం, సేవాభావాన్ని పెంపొందిస్తాయని నిర్వాహకులు పేర్కొన్నారు. 

ఈ కార్యక్రమంలో మున్సిపల్ చైర్మన్ అగ్గనూరు బసవేశ్వర్, మార్కెట్ కమిటీ వైస్ చైర్మన్ బాబర్ అలీ ఖాన్, కౌన్సిలర్లు, ఫరూక్నగర్ మండల్ కాంగ్రెస్ అధ్యక్షుడు రాయికల్ శ్రీనివాస్, పట్టణ అధ్యక్షుడు నల్లమోని శ్రీధర్ ముదిరాజ్, పట్టణ మాజీ అధ్యక్షులు కొంకాళ్ళ చెన్నయ్య, మాజీ మున్సిపల్ చైర్మన్ అగ్గనూరు విశ్వం,కౌన్సిలర్ సంతోషి చందూలాల్, పలువురు ప్రజాప్రతినిధులు, నాయకులు, ఠాగూర్ యూత్ సభ్యులు, కాలనీ పెద్దలు,మహిళలు భక్తులు తదితరులు  పాల్గొన్నారు.. 

నరసింహారెడ్డి మేజర్ న్యూస్….