అభివృద్ధిని చూసి ఓర్వలేకే ప్రతిపక్షాల ఆరోపణలు

ఆమనగల్లు పట్టణ కేంద్రంలో ముఖ్యమంత్రి రేవంత్ రెడ్డి సహకారంతో స్థానిక ఎమ్మెల్యే కసిరెడ్డి నారాయణరెడ్డి పట్టణ అభివృద్ధికి ప్రత్యేక నిధులు తీసుకొచ్చి అభివృద్ధి పనులు చేస్తుంటే ఓర్వలేని ప్రతిపక్షాలు పట్టణ ప్రజలను గందరగోళానికి గురి చేసేలా ఆరోపణలు చేయడం ఎంతవరకు సమంజసమని మండల కాంగ్రెస్ పార్టీ అధ్యక్షుడు శ్రీనివాస్ రెడ్డి చెప్పారు. బుధవారం పట్టణ కేంద్రంలోని కాంగ్రెస్ పార్టీ కార్యాలయంలో మున్సిపల్ చైర్మన్ పత్యానాయక్, పార్టీ నాయకులతో కలిసి ఏర్పాటుచేసిన సమావేశంలో ఆయన మాట్లాడుతూ గత కొన్ని సంవత్సరాలుగా పెండింగ్‌లో ఉన్న షాపింగ్‌ కాంప్లెక్స్‌ నిర్మాణం పనులు కోర్టు కేసు కారణం తో పనులు ప్రారంభించలేదనిఎమ్మెల్యే కసిరెడ్డి నారాయణరెడ్డి హామీతో చిరు వ్యాపారులు కోర్టు కేసు ఉపసంహరించుకున్నారని పేర్కొన్నారు. గత ప్రభుత్వ హయాంలో మాజీ ఎమ్మెల్యేచిరువ్యాపారులకు స్పష్టమైన హామీ ఇవ్వకుండా కాలయాపన తోనే కేసుకొనసాగాయని తెలిపారు. కాంగ్రెస్‌ ప్రభుత్వం అధికారంలోకి వచ్చిన అనంతరం ఎమ్మెల్యే కసిరెడ్డి నారాయణరెడ్డి చిరు వ్యాపారులతో సమావేశమై షాపింగ్‌ కాంప్లెక్స్‌ నిర్మాణానికి స్పష్టమైన హామీ ఇవ్వడంతో చిరు వ్యాపారులు కోర్టు కేసునుఉపసంహరించుకున్నారని తెలిపారు. పట్టణ కేంద్రంలో కొద్ది రోజుల్లోనే ఎమ్మెల్యే షాపింగ్‌ కాంప్లెక్స్‌ నిర్మాణ పనులను ముఖ్యమంత్రి రేవంత్ రెడ్డి సహకారంతో ఎమ్మెల్యే కాశిరెడ్డి నారాయణరెడ్డి పనులు ప్రారంభిస్తారని పేర్కొన్నారు. సమావేశంలో కౌన్సిలర్ అనిత శ్రీనివాస్ రెడ్డి, సర్పంచ్ మండ్లి రాములు, కో ఆప్షన్ సభ్యుడు అబ్దుల్ ఖాదర్, మార్కెట్ డైరెక్టర్ వస్పుల శ్రీశైలం,  మాజీ ఎంపీపీ అనిత విజయ్ నాయక్, ఆదివాసి రాష్ట్ర కో ఆర్డినేటర్ కృష్ణ నాయక్, నాయకులు పర్వతాలు, గాజుల శ్రీను, కాలే మల్లయ్య, బాబా, సురేష్, ఎంగలి ప్రసాద్, ఒగ్గు మహేష్, వెంకటేశ్ రెడ్డి, అండెకార్ రాజు, ఆలీం, కొండల్ రెడ్డి, వస్పుల శ్రీకాంత్, ఫరీద్, రాఘవేందర్, శ్రీను నాయక్, ఫిరోజ్, కొప్పు శ్రీశైలం, శివ తదితరులు ఉన్నారు.
ఎ. చంద్రశేఖర్: మేజర్ న్యూస్, ఆమనగల్లు.