అమెరికాలో లక్కవరపుకోట వాసికి అరుదైన గౌరవం:

విజయనగరం జిల్లా లక్కవరపుకోట మండలం గంగుబూడి గ్రామానికి చెందిన కోసూరి తాతారావు అమెరికాలోని ప్రముఖ తెలుగు స్వచ్ఛంద సంస్థ 'తెలుగు సమితి ఆఫ్ నెబ్రాస్కా' (TSN) నూతన అధ్యక్షుడిగా ఏకగ్రీవంగా ఎన్నికయ్యారు. విదేశాల్లో నివసిస్తున్నప్పటికీ మాతృభాషపై మక్కువతో, మన సంస్కృతీ సంప్రదాయాలను పరిరక్షించేందుకు TSN సుదీర్ఘకాలంగా విశేష సేవలు అందిస్తోంది. అటువంటి ప్రతిష్టాత్మక సంస్థకు అధ్యక్ష బాధ్యతలు సొంత ప్రాంత వ్యక్తికి దక్కడం పట్ల గంగుబూడి గ్రామంలోనూ, లక్కవరపుకోట మండల వ్యాప్తంగానూ ఆనందోత్సాహాలు వ్యక్తమవుతున్నాయి.

తెలుగు సమితి ఆఫ్ నెబ్రాస్కా (TSN) అమెరికాలోని నెబ్రాస్కా రాష్ట్రంలో ఉన్న తెలుగు ప్రజలందరినీ ఒకే వేదికపైకి తీసుకురావడంలో అత్యంత కీలకంగా వ్యవహరిస్తోంది. భాషా సంస్కృతుల పరిరక్షణతో పాటు స్థానిక యువతకు విద్యా, ఉద్యోగ మార్గదర్శకత్వం అందించడం, పేద విద్యార్థులకు విద్యా సహాయం అందించడం లాంటి సేవా కార్యక్రమాలు ఈ సంస్థ చేపడుతుంది