విశాఖలో ఉత్తరాంధ్ర వైఎస్సార్‌సీపీ బీసీ నేతల ఆత్మీయ భేటీ

విశాఖపట్నం, సూర్య ప్రతినిధి: విశాఖపట్నం వేదికగా ఉత్తరాంధ్ర ప్రాంత వైఎస్సార్‌సీపీ బీసీ నాయకుల ఆత్మీయ సమావేశం నిర్వహించారు. ఈ భేటీకి సీనియర్ నాయకులు బొత్స సత్యనారాయణ, ధర్మాన ప్రసాదరావు, తమ్మినేని సీతారాంతో పాటు పలువురు మాజీ మంత్రులు, మాజీ ఎమ్మెల్యేలు, ముఖ్య నేతలు హాజరయ్యారు.

రాబోయే స్థానిక సంస్థల ఎన్నికలకు పార్టీని క్షేత్రస్థాయిలో సన్నద్ధం చేయడం, బీసీ రిజర్వేషన్ల పరిరక్షణ, సంక్షేమం తదితర అంశాలపై ఈ సమావేశంలో ప్రధానంగా చర్చించారు. బీసీల హక్కుల సాధనకు మరియు రాబోయే రాజకీయ సవాళ్లను ఎదుర్కొనేందుకు ఉత్తరాంధ్ర వ్యాప్తంగా బీసీ సామాజికవర్గాలను ఐక్యం చేస్తూ వ్యూహాత్మకంగా ముందుకు సాగాలని నాయకులు నిర్ణయించారు.