విఎస్‌యూ కావలి జోన్ క్రికెట్ విజేత ‘జవహర్ భారతి’
కావలి మేజర్ న్యూస్ : విక్రమ సింహపురి యూనివర్సిటీ (VSU) కావలి జోన్ క్రికెట్ ఫైనల్ టోర్నమెంట్ కావలిలోని విక్రమ సింహపురి యూనివర్సిటీ కళాశాల మైదానంలో ఘనంగా నిర్వహించారు. హోరాహోరీగా జరిగిన ఫైనల్ పోరులో జవహర్ భారతి కళాశాల జట్టు విజయం సాధించి ప్రథమ స్థానంలో నిలవగా, విఎస్ యు కళాశాల (కావలి) జట్టు ద్వితీయ స్థానాన్ని దక్కించుకుంది. ఈ టోర్నమెంట్‌లో ప్రతిభ చూపిన ఈ రెండు జట్లు నెల్లూరులోని ప్రధాన యూనివర్సిటీ ప్రాంగణంలో జరగబోయే ‘సెంట్రల్ జోన్ క్రికెట్ టోర్నమెంట్’లో పాల్గొంటాయని, అలాగే విఎస్‌యూ యూనివర్సిటీ అధికారిక క్రికెట్ జట్టు ఎంపిక కూడా ఇక్కడే జరుగుతుందని టోర్నమెంట్ ఆర్గనైజింగ్ సెక్రటరీ చేవూరి మణికంఠ వెల్లడించారు. అనంతరం నిర్వహించిన బహుమతుల ప్రదానోత్సవ కార్యక్రమానికి విఎస్‌యూ కావలి ప్రిన్సిపాల్ ఆచార్య శ్రీనివాసరావు, పులివర్తి భాస్కరరావు ముఖ్య అతిథులుగా హాజరయ్యారు. అలాగే గెస్ట్ ఆఫ్ ఆనర్‌గా యూనివర్సిటీ అబ్జర్వర్ డాక్టర్ ప్రసాద్ రెడ్డి, సీనియర్ క్రికెట్ ప్లేయర్ విజయ్ హాజరయ్యారు. అతిథుల చేతుల మీదుగా విజేతలకు, రన్నరప్‌లకు ట్రోఫీలు, మెడల్స్ అందజేశారు. ఈ కార్యక్రమంలో పోలీస్ సురేష్, ఉపాధ్యాయులు సునీల్, లక్ష్మీనారాయణ, శివ, ఎం.ఎస్.ఆర్.పి.డి, జవహర్ భారతి కోచ్ రమణయ్య, ఏడుకొండలు, పలువురు అధ్యాపకులు మరియు క్రీడాకారులు పాల్గొన్నారు.
