విదేశీయుల సమాచారాన్ని 24గంటల్లో ఆన్లైను డిజిటలైజేషను చేయాలి జిల్లా ఎస్పీ ఎ.ఆర్.దామోదర్

విజయనగరం అక్టోబర్ 1, మేజర్ న్యూస్:

విదేశీయులకు ఆశ్రయం కల్పించే హెూటల్స్, గృహ యజమాన్యాలు, ఆసుపత్రులు, సత్రాలు, ఎడ్యుకేషనల్ ఇనిస్టిట్యూట్స్ వగైరా సంస్థల యాజమాన్యాలు తప్పనిసరిగా వారి వద్ద ఆశ్రయం పొందే విదేశీయుల  వివరాలను అన్లైను డిజిటైలేజను ద్వారా ఎఫ్.ఆర్.ఆర్.ఓ. (ఫారనర్స్ రీజనల్ రిజిస్ట్రేషను ఆఫీసరు)/ఎఫ్.ఆర్.ఓ. (ఫారనర్స్ రిజిస్ట్రేషను ఆఫీసరు/సూపరింటెండెంట్ ఆఫ్ పోలీసు) వారికి 24గంటల సమయంలోగా తెలియజేయాలని జిల్లా ఎస్పీ  ఎ.ఆర్.దామోదర్ అక్టోబరు 1న ఒక ప్రకటనలో తెలిపారు.

జిల్లా ఎస్పీ  ఎ.ఆర్.దామోదర్  మాట్లాడుతూ - వివిధ పనులు నిమిత్తం వివిధ దేశాల నుండి జిల్లాకు విచ్చేసే విదేశీయుల వివరాలను 'ది ఇమ్మిగ్రేషన్ అండ్ ఫార్ నర్స్ చట్టం - 2025, సెక్షన్ 8 ప్రకారం తప్పనిసరిగా  https://indianfrro.gov.in/formiii/formc/login వెబ్ సైట్ ద్వారా 24గంటలలోగా ఎఫ్.ఆర్.ఆర్.ఓ/ఎఫ్.ఆర్.ఓ. కార్యాలయాలకు తెలపాలన్నారు. అలా వివరాలను తెలపని సంస్థల యాజమాన్యాలపై 'ది ఇమ్మిగ్రేషన్ అండ్ ఫార్నర్స్ చట్టం - 2025, సెక్షన్ 23(బి) ప్రకారం రూ.50 వేలు నుండి రూ. 1లక్ష వరకు జరిమానా లేదా 2 సం.లు నుండి 7 సం.లు వరకు జైలుశిక్ష విధించబడుతుందని జిల్లా ఎస్పీ  ఎ.ఆర్.దామోదర్ తెలిపారు.

జిల్లాకు విచ్చేసే విదేశీయులు భారతదేశ చట్టాలను గౌరవించాలని, చెల్లుబాటులో ఉన్న వీసా, పాస్పోర్టు తప్పనిసరిగా కలిగి ఉండాలన్నారు. విదేశాల్లో స్థిరపడిన ఓ.సి.ఐ. (ఓవరిసిస్ సిటిజన్ ఆఫ్ ఇండియా) భారతీయులు, దేశంలో నిర్వహించే ఎటువంటి ఎన్నికల్లో పోటీ చేయరాదని, ఓటు వేయరాదని, వ్యవసాయ భూములను కొనుగోలు చేయరాదని జిల్లా ఎస్పీ  ఎ.ఆర్.దామోదర్ తెలిపారు.