వేతనాలు పెంపుదల చేయాలని విబిజి రామ్‌జీ సిబ్బంది ఎం ఎల్ ఏకు వినతి
- ఉద్యోగుల సమస్యలు ప్రభుత్వం దృష్టికి...ప్రభుత్వ విప్ జగదీశ్వరి
- ఉద్యోగులకు న్యాయం జరిగేలా సహకరించాలని ఎం.ఎల్.ఎకు విజ్ఞప్తి
- వి బి జి రామ్ జి సిబ్బంది దాసరి తేజేశ్వరరావు,టంకాల రామకృష్ణనాయుడు
గరుగుబిల్లి: వికసిత్ భారత్ గ్యారెంటీ ఫర్ రోజ్ గార్ అండ్ అజీవికా మిషన్ గ్రామీణ్ (వీబీజీ రామ్‌జీ)ఉద్యోగుల జాయింట్ యాక్షన్ కమిటీ మేరకు గ్రామీణ అభివృద్ధి శాఖ–వీబీజీ రామ్‌జీ పథకంలో వివిధ హోదాల్లో విధులు నిర్వహిస్తున్న సిబ్బంది తమ దీర్ఘకాలిక సమస్యలను పరిష్కరించాలని కోరుతూ గుమ్మలక్ష్మీ పురంలోని కురుపాం నియోజకవర్గం శాసనసభ్యులు క్యాంపు కార్యాలయం లో ప్రభుత్వ విప్, కురుపాం ఎమ్మెల్యే తోయక జగదీశ్వరికి సోమవారం వినతి పత్రం సమర్పించారు.గడిచిన ఏడు సంవత్సరాలుగా వేతనాలు, జీతభ త్యాల్లో ఎలాంటి పెంపుదల లేకపోవడం తో సిబ్బంది ఎదుర్కొంటున్న సమస్యల ను వి బి జి రామ్ జి సిబ్బంది దాసరి తేజేశ్వరరావు,టంకాల రామకృష్ణ నాయుడు తదితరులు ఎమ్మెల్యే తోయక జగదీశ్వరికి తెలియజేశారు . తమ సమస్యలను కమిటీ దృష్టికి తీసుకురావాలని గతంలో ఆదేశాలు జారీ చేసినప్పటికీ, ఇప్పటివరకు పరి ష్కారం లభించలేదని తెలిపారు. ఉద్యోగ సంఘాలు సమర్పించిన న్యాయబద్ధమైన కోరికలు, దీర్ఘకాలిక సమస్యలను ఈనెల 10 వ తేదీలోగా పరిష్కరించేలా ప్రభుత్వానికి మీ ద్వారా తెలియజేయడం జరుగుతుం దని పేర్కొన్నారు.తమ సమస్యలను ప్రభుత్వం దృష్టికి తీసుకెళ్లి, ఉద్యోగుల కు న్యాయం జరిగేలా సహకరించాలని శాసనసభ్యులు తోయక జగదీశ్వరికి విజ్ఞప్తి చేశారు.ఈసందర్భంగా ఉద్యోగు ల సమస్యలను ప్రభుత్వం దృష్టికి తీసుకెళ్లి పరిష్కరించేందుకు తన వంతు కృషి చేస్తానని వి బి జి రామ్ జీ పథకంలో పనిచేస్తున్న ఉద్యోగులకు శాసనసభ్యులు తోయక జగదీశ్వరి హామీ ఇచ్చారు.ఈకార్యక్రమంలో వి బి జి రామ్ జి కి సంబంధించిన ఉద్యోగు లు అధిక సంఖ్యలో పాల్గొన్నారు.
