వయోవృద్ధులను గౌరవించాలి

వయోవృద్ధులను గౌరవించాలి

ఫోటో :

ఆళ్లగడ్డ, మేజర్ న్యూస్: ప్రతి ఒక్కరూ వయోవృద్ధులను గౌరవించాలని ఆళ్లగడ్డ చెందిన చిత్రకారుడు విజయ్ అన్నారు. అంతర్జాతీయ వయోవృద్ధుల దినోత్సవం సందర్భంగా ఆళ్లగడ్డకు చెందిన చిత్రకారుడు విజయ్  చిత్రాన్ని చిత్రించారు. ఒక వృద్ధుడు చిన్న పిల్లలకు మార్గ నిర్దేశము చేస్తున్నట్లుగా ఉన్న ఈ చిత్రం జీవితంపై ఎన్నో ఆశలు పెట్టుకొని ఎదుగుచున్న పిల్లలను, యువకులను ఆలోచింప చేస్తున్నది. తమ జీవిత చరమాంకంలో ఉన్న పెద్దల మాటలను పెడచెవిన పెట్టరాదని, వారి మాటలే జీవిత సత్యాలని నేటి యువ తరం గుర్తించాలి. లేనిచో తమ జీవిత ప్రయాణంలో ఎదురయ్యే ఒడిదుడుకులను తట్టుకోలేక, సమస్యల సుడి సంద్రంలో పయనించక తప్పదని విజయ్ ఈ సందర్భంగా తన అభిప్రాయాన్ని వెలిబుచ్చారు.