వైభవంగా శ్రీ షిరిడి సాయినాధుని ఆరాధన ఉత్సవాలు

భట్టిప్రోలు, మేజర్ న్యూస్: భట్టిప్రోలు గ్రామంలో వేంచేసి ఉన్న శ్రీ షిరిడి సాయి దత్తాత్రేయ స్వామి వారి ఆలయంలో శ్రీ షిరిడి సాయిబాబా వారి 108వ ఆరాధన మహోత్సవాలు అంగరంగ వైభవంగా కొనసాగుతున్నాయి.ఈ ఉత్సవాల్లో భాగంగా సోమవారం ఉదయం బాబా వారి ఉత్సవ విగ్రహానికి అన్నాభిషేకం అత్యంత భక్తిశ్రద్ధలతో నిర్వహించారు. అన్నంతో అభిషేకం చేస్తూ భక్తులు సాయి నామస్మరణ చేశారు. అనంతరం భక్తులకు తీర్థప్రసాదాలు, అన్నప్రసాద వితరణ చేశారు. అన్నాభిషేక కార్యక్రమంలో అన్నవరపు వెంకట సుబ్బారావు-అనిత లక్ష్మి, బొంత కృష్ణ - తన్మయి, తూనుగుంట్ల వంశీకృష్ణ - గౌతమి, గొట్టుముక్కల లోకనాథ్ - దేవి శ్రీలక్ష్మి, గోనుగుంట్ల హరీష్ కుమార్ - కౌసల్య దంపతులు పాల్గొని స్వామి వారికి అభిషేకం నిర్వహించారు.
అభిషేకాది కార్యక్రమాలను దేవస్థాన ప్రధాన అర్చకులు  మురికిపూడి దుర్గాప్రసాద్ శర్మ వారి కుమారుడు భాను ప్రకాష్ శర్మ వేద మంత్రాలతో ఘనంగా నిర్వహించారు.ఈ కార్యక్రమాలను దేవస్థాన అధ్యక్షులు తమ్మన రమేష్ బాబు, ఉపాధ్యక్షులు బట్టు రమేష్ బాబు, చెన్నగిరి పాపారావు, కోశాధికారి బూరెల కిరణ్ కుమార్, కార్యనిర్వహక కార్యదర్శి జవ్వాది వెంకటేశ్వరరావు, ఉత్సవ నిర్వహణ కమిటీ సభ్యులు తట్టవర్తి అర్ధనారీశ్వరుడు, చందలూరు రామకోటేశ్వరరావు, చందలూరు శివప్రసాద్, కమిటీ సభ్యులు పర్యవేక్షించారు.