ఉయ్యూరు మున్సిపల్ చైర్మన్‌కు దళిత నాయకుల సత్కారం
ఉయ్యూరు మేజర్ న్యూస్ : సామాన్య కుటుంబానికి చెందిన దళిత వర్గాల నాయకుడు చేదుర్తిపాటి ప్రవీణ్ కుమార్‌కు ఉయ్యూరు మున్సిపల్ చైర్మన్‌గా అవకాశం దక్కడం పట్ల పట్టణ దళిత నాయకులు హర్షం వ్యక్తం చేశారు. ఈ సందర్భంగా చైర్మన్ ప్రవీణ్ కుమార్‌ను శాలువా, పూలమాలలతో ఘనంగా సత్కరించారు. అలాగే 8, 9, 10వ వార్డులకు చెందిన కౌన్సిలర్లను సైతం సన్మానించి అభినందనలు తెలిపారు. సామాన్య కార్యకర్తలకు, దళిత వర్గాలకు రాజకీయంగా అవకాశాలు కల్పించడం ప్రజాస్వామ్యంలో శుభపరిణామమని పేర్కొన్నారు. ఈ అవకాశం కల్పించిన తెలుగుదేశం పార్టీ అధిష్ఠానానికి, ఎమ్మెల్యే బోడే ప్రసాద్‌కు, మాజీ ఎమ్మెల్యే వై.వి.బి. రాజేంద్రప్రసాద్‌కు కృతజ్ఞతలు తెలిపారు. కార్యక్రమంలో టీడీపీ సీనియర్ నాయకులు ఉయ్యూరు గణేష్, పచ్చిగళ్ళ కోటేశ్వరరావు, పులిపాక ప్రభుదాస్, మట్టా యేషోబ్, ఉయ్యూరు ఎలియాసర్, కొడాలి రమేష్, గలంకి శోభన్, వల్లూరు యేసు చంద్రరావు, పచ్చిగళ్ళ పిచ్చయ్య, మట్టా నవీన్, కాకాని ఆమోస్, మట్టా నాని, కలపాల సిద్దు తదితరులు పాల్గొన్నారు.
స్టాఫ్ రిపోర్టర్: ✍️ ప్రేమ్ రాజ్, పెనమలూరు నియోజకవర్గం, కృష్ణాజిల్లా.
