తెనుగుదేశం కు విజయం చేకూర్చాలి

తెలుగుదేశంకు విజయం చేకూర్చాలి 
--అభివృద్ధికి సహకరించాలి
--ప్రజలకు సేవలందించే అవకాశం కల్పించాలి 
--టిడిపి యువనేత తారక్ నాథ్ రెడ్డి 
ఆత్మకూరు, సోమా వెంకటసుబ్బయ్య,మేజర్ న్యూస్:ఆత్మకూరు మున్సిపాలిటీలో తెలుగుదేశం చైర్పర్సన్ అభ్యర్థిగా పోటీ చేస్తున్న తమ తల్లి ప్రముఖ వైద్యురాలు డాక్టర్ షకీలాను, వార్డుల్లో కౌన్సిల్ అభ్యర్థులుగా టిడిపి, బిజెపి, జనసేన తరఫున పోటీ చేస్తున్న అభ్యర్థులను అందరూ ఆదరించి సైకిల్ గుర్తుపై ఓట్లేసి విజయం చేకూర్చి అభివృద్ధికి సహకరించాలని తెలుగుదేశం యువనేత, బి ఎస్ ఆర్ ట్రస్ట్ చైర్మన్ బొమ్మిరెడ్డి తారక్ నాథ్ రెడ్డి కోరారు. ఆయన ఆదివారం ఎనిమిదో వార్డులో ముమ్మరంగా ఎన్నికల ప్రచారం నిర్వహించారు. తెలుగుదేశం చైర్పర్సన్ అభ్యర్థి డాక్టర్ షకీలా,8వ వార్డు టిడిపి అభ్యర్థి మొబినాకు అందరూ సైకిల్ గుర్తుపై ఓట్లు వేసి విజయం చేకూర్చాలని ఈ సందర్భంగా ఆయన కోరారు. తారక్ నాథ్ రెడ్డి స్థానిక దర్గాలో ప్రత్యేక పూజలు నిర్వహించారు. అందరూ ఆయనకు మంగళహారతులతో శాలువాల సన్మానాలతో అఖండ స్వాగతం పలికారు. అనంతరం తారక్ నాథ్ రెడ్డి మాట్లాడుతూ ఆత్మకూరు అభివృద్ధి కోసమే తన తల్లి డాక్టర్ షకీలా మున్సిపల్ చైర్మన్ అభ్యర్థిగా రాష్ట్ర దేవాదాయ ధర్మాదాయ శాఖ మంత్రి ఆనం రామనారాయణ రెడ్డి ఆశీస్సులతో కూటమి ఆధ్వర్యంలో తెలుగుదేశం అభ్యర్థిగా పోటీ చేస్తున్నారని, గత 40 సంవత్సరాలుగా తమ కుటుంబం ఆత్మకూరు పట్టణానికి,ఆత్మకూరు నియోజకవర్గానికి అందిస్తున్న ప్రజాసేవలు, సామాజిక సేవలను అందరూ గుర్తించాలని, మంత్రి ఆనం రామనారాయణరెడ్డి చేస్తున్న అభివృద్ధిని అందరూ గుర్తించాలని,తమ సేవలను కొనసాగించేలా సహకరించాలని తారక్ నాథ్ రెడ్డి కోరారు. ఆయన మున్సిపల్ పరిధిలోని 25వ వార్డులో కూడా ముమ్మరంగా  ప్రచారం సాగించగా అందరూ స్వాగతించి ఘనంగా సన్మానించి సంపూర్ణ మద్దతు తెలిపారు. 25 వ వార్డు టిడిపి మున్సిపల్ కౌన్సిలర్ అభ్యర్థి డక్కా రమణమ్మ,చైర్ పర్సన్ టిడిపి అభ్యర్థి డాక్టర్ షకీలా లకు అందరూ ఓట్లువేసి ఘన విజయం చేకూర్చాలని తారక్ నాథ్ రెడ్డి కోరారు. ఈ కార్యక్రమంలో మాజీ కౌన్సిలర్ షేక్ రేష్మ, తెలుగుదేశం నాయకుడు రబ్బాని, తెలుగుదేశం నాయకులు అధిక సంఖ్యలో మహిళలు పాల్గొన్నారు.