స్ట్రాంగ్ రూములు పరిశీలించిన అధికారులు
నేటి దినపత్రిక సూర్య బ్యూరో రాజమహేంద్రవరంమండపేటలోని అన్నపూర్ణ పాఠశాలలో పురపాలక ఎన్నికలకు సంబంధించి ఏర్పాటు చేసిన స్ట్రాంగ్ రూమ్‌లను ఎన్నికల పరిశీలకురాలు ఎం. గౌతమి ఆదివారం పరిశీలించారు. ఈ సందర్భంగా స్ట్రాంగ్ రూమ్‌ల వద్ద చేపట్టిన భద్రతా ఏర్పాట్లు, ఎన్నికల సామగ్రి భద్రపరిచే విధానం, నిరంతర పర్యవేక్షణకు తీసుకున్న చర్యలను ఆమె క్షుణ్ణంగా పరిశీలించారు.
స్ట్రాంగ్ రూమ్‌ల వద్ద భద్రతా ప్రమాణాలను పక్కాగా అమలు చేయాలని, ఎన్నికల సామగ్రి భద్రత విషయంలో ఎలాంటి నిర్లక్ష్యానికి తావు లేకుండా చూడాలని సంబంధిత అధికారులకు సూచించారు. స్ట్రాంగ్ రూమ్‌ల పరిసరాల్లో నిరంతర నిఘా ఉండేలా, భద్రతా సిబ్బంది అప్రమత్తంగా విధులు నిర్వహించేలా చర్యలు తీసుకోవాలని ఆదేశించారు. ఎన్నికల సంఘం మార్గదర్శకాలు, నిబంధనలను తప్పనిసరిగా పాటించాలని స్పష్టం చేశారు.
ఈ పరిశీలనలో రాజమహేంద్రవరం సబ్ కలెక్టర్ శుభం నోక్వాల్, రాజమహేంద్రవరం రూరల్ తహసీల్దార్ శ్రీనివాస్, మండపేట మున్సిపల్ కమిషనర్ టి.వి. రంగారావు తదితర అధికారులు పాల్గొన్నారు.
