స్థానిక సంస్థల ఎన్నికల్లో గెలిచిన ఓడిన యుద్ధమే చేయాలని వైయస్సార్ కాంగ్రెస్ పార్టీ సమన్వయకర్త తెల్లం బాలరాజు

బుట్టాయిగూడెం: మేజర్ న్యూస్ : స్థానిక సంస్థల ఎన్నికల్లో  గెలిచిన ఓడిన  యుద్ధమే చేయాలని  వైయస్సార్ కాంగ్రెస్ పార్టీ  సమన్వయకర్త  తెల్లం బాలరాజు తెలిపారు. సర్పంచ్ లు ఎంపీటీసీలు  ఆత్మీయ సమావేశాన్ని బుట్టాయిగూడెం లోని పార్టీ కార్యాలయంలో   బుధవారం సాయంత్రం ఏర్పాటు చేశారు. ఈ సందర్భంగా తెల్లం బాలరాజు మాట్లాడుతూ  మాజీ ముఖ్యమంత్రి జగన్మోహన్ రెడ్డిని ధైర్యంగా ఎదుర్కోలేక గొడ్డలి పార్టీ అంటు ప్రజలకు తప్పుడు ప్రచారం చేస్తున్నారని విమర్శించారు.  నయవంచనకు మారుపేరు ముఖ్యమంత్రి  చంద్రబాబు నాయుడు అని  మండిపడ్డారు. చంద్రబాబు నిరంకుశ పాలనలో  మనం ఉన్నామని  చెప్పారు. ఈ సమావేశంలో మచిలీపట్నం పార్లమెంటు నియోజకవర్గం పరిశీలకులు జెట్టి గురునాథరావు, మండల అధ్యక్షులు అల్లూరి రత్నాజీ, ఆరేటి సత్యనారాయణ, గుగులోతు మోహనరావు, యాండ్ర రవి పార్టీ నాయకులు కార్యకర్తలు ఉన్నారు.

 మధు( నాని) బుట్టాయిగూడెం.