స్థానిక ఎన్నికల్లో చట్టవ్యతిరేక కార్యకలాపాలకు పాల్పడితే కఠిన చర్యలు: సీఐ అంకమ్మ

  వెంకటాచలం మేజర్ న్యూస్                రాబోయే స్థానిక సంస్థల ఎన్నికల నేపథ్యంలో మండలంలో శాంతిభద్రతల పరిరక్షణకు పోలీసులు చర్యలు చేపట్టారు. ఇందులో భాగంగా రౌడీషీటర్లు, సస్పెక్ట్ షీట్ హోల్డర్లు, ట్రబుల్ మెంబర్లు, గత ఎన్నికల కేసుల్లో నిందితులను గుర్తించి మండల ఎగ్జిక్యూటివ్ మెజిస్ట్రేట్ విజయ్ ఎదుట హాజరుపరుస్తున్నట్లు వెంకటాచలం సీఐ కె. అంకమ్మ తెలిపారు.ఈ సందర్భంగా ఎన్నికల సమయంలో ఎవరైనా చట్టవ్యతిరేక కార్యకలాపాలకు పాల్పడినా, ఘర్షణలకు దిగినా చట్టప్రకారం కఠిన చర్యలు తీసుకుంటామని హెచ్చరించారు. బైండోవర్ నిబంధనలు ఉల్లంఘిస్తే రూ.5 లక్షల వరకు బైండోవర్ మొత్తానికి సంబంధించిన చర్యలు లేదా జైలు శిక్ష ఎదుర్కోవాల్సి వస్తుందని పేర్కొన్నారు. పాత నేరచరిత్ర కలిగిన వ్యక్తులపై ప్రత్యేక నిఘా ఉంటుందని, ఎక్కడైనా చట్టవ్యతిరేక కార్యకలాపాలు జరిగితే వెంటనే పోలీసులకు సమాచారం అందించాలని ప్రజలను కోరారు.