సూదివారిపాలెంలో నేత్రదానం

ఇంకొల్లు,  మేజర్‌న్యూస్‌ :
ఇంకొల్లు మండలం సూదివారిపాలెంలో నేత్రదానం జరిగింది. గ్రామానికి చెందిన కొల్లా వెంకటేశ్వర్లు (88) మృతి చెందగా కుటుంబ సభ్యులు నేత్రదానం చేసేందుకు ముందుకు వచ్చారు. ఇంకొల్లు రోటరీ అవయవదాన కమిటీకి సమాచారం అందించారు. రోటరీ అవయవదాన కమిటీ ప్రతినిధులు సోమేపల్లి రామ్మోహన్‌రావు, జెట్టి వెంకటేశ్వర్లు ప్రతినిధులు గుంటూరు శంకర కంటి వైద్యులకు సమాచారం అందించటంతో వైద్యులు సూదివారిపాలెంకు వచ్చి దాత కార్నియాలను సేకరించారు. నేత్రదానం చేసినందుకు దాత కుటుంబ సభ్యులు భార్య మాధురి, కుమారుడు లక్ష్మీనారాయణ, కోడలు శివలీల, మనుమడు కొల్లా మధుబాబు, ప్రతిభ, కుమార్తె జాగర్లమూడి శిరీష, అల్లుడు శివరాం ప్రసాద్ లను క్లబ్ అధ్యక్ష, కార్యదర్శి, కోశాధికారులు ఆలవల రాఘవరెడ్డి, గోరంట్ల నాగేశ్వరరావు, మోపిదేవి కిషోర్ లు కృతజ్ఞతలు తెలిపారు. 
సూర్య రిపోర్టర్‌ : షేక్‌ జానిబాష, ఇంకొల్లు.