శ్రీ నీలమణి అమ్మవారి సేవలో ఎమ్మెల్యే ఎంజీఆర్

మెలియాపుట్టి. అక్టోబర్ 18. మేజర్ న్యూస్....
దసరా ఉత్సవాల్లో భాగంగా ఉత్తరాంధ్ర ఇలవేల్పు శ్రీ నీలమణి దుర్గమ్మను పాతపట్నం ఎమ్మెల్యే మామిడి గోవిందరావు ఆదివారం దర్శించుకున్నారు. ఈ సందర్భంగా అమ్మవారికి ప్రత్యేక పూజలు నిర్వహించి మొక్కులు చెల్లించుకున్నారు. ఆలయ అర్చకులు వేదమంత్రాల నడుమ ఎమ్మెల్యేకు ఆశీర్వచనాలు అందించి, తీర్థప్రసాదాలను సమర్పించారు.అనంతరం ఆలయ ప్రాంగణంలో నిర్వహించిన సాంస్కృతిక కార్యక్రమాలను ఎమ్మెల్యే తిలకించారు. కళాకారులు ప్రదర్శించిన కూచిపూడి, భరతనాట్యం నృత్య ప్రదర్శనలు వీక్షించి అభినందించారు. దసరా ఉత్సవాల్లో భాగంగా నిర్వహించిన ఈ సాంస్కృతిక కార్యక్రమాలు భక్తులను ఆకట్టుకున్నాయి. సంప్రదాయ కళలకు ప్రోత్సాహం అందించడం, ఆధ్యాత్మిక కార్యక్రమాల్లో భాగస్వామ్యం కావడం సంతోషంగా ఉందని ఈ సందర్భంగా పేర్కొన్నారు.కార్యక్రమంలో స్థానిక నాయకులు, ఆలయ సిబ్బంది, భక్తులు తదితరులు పాల్గొన్నారు.