షేర్ మొహమ్మద్ పేట లో పోలింగ్ స్టేషన్లు పరిశీలన చేసిన డీసీపీ

షేర్ మొహమ్మద్ పేటలో పోలింగ్ స్టేషన్లను పరిశీలించిన డీసీపీ బి. సత్యనారాయణ

జగ్గయ్యపేట రూరల్, నవంబర్ 5:

ఎన్నికల నిర్వహణలో భాగంగా ఎన్టీఆర్ జిల్లా పోలీస్ శాఖ అధికారులు అప్రమత్తమయ్యారు. జగ్గయ్యపేట మండలం షేర్ మొహమ్మద్ పేట గ్రామంలో ఏర్పాటు చేసిన పోలింగ్ స్టేషన్లను డీసీపీ బి. సత్యనారాయణ గురువారం పరిశీలించారు.

ఈ సందర్భంగా పోలింగ్ కేంద్రాల వద్ద ఉన్న ఏర్పాట్లు, భద్రతా పరిస్థితులను పరిశీలించారు. ఎన్నికలు ప్రశాంత వాతావరణంలో, ఎలాంటి అవాంఛనీయ సంఘటనలకు తావులేకుండా నిర్వహించేందుకు అవసరమైన భద్రతా చర్యలపై అధికారులకు సూచనలు చేశారు.

ఓటర్లు ఎలాంటి భయాందోళనలకు గురికాకుండా స్వేచ్ఛగా తమ ఓటు హక్కును వినియోగించుకోవాలని, ఎన్నికల సమయంలో శాంతిభద్రతలకు విఘాతం కలిగించే చర్యలకు పాల్పడితే చట్టపరమైన చర్యలు తీసుకుంటామని సూచించినట్లు తెలిపారు.

ప్రజలు నిర్భయంగా ఓటు హక్కును వినియోగించుకునేలా పోలీస్ శాఖ అన్ని చర్యలు చేపడుతోందని ఈ పర్యటన ద్వారా స్పష్టం చేశారు

రిపోర్టర్ :-శివారెడ్డి జగ్గయ్యపేట రూరల్ ఎన్టీఆర్ జిల్లా