షేక్ శ్రీనివాసరావుకు గౌరవ అధ్యక్ష పదవి
కంకిపాడు, మేజర్ న్యూస్: ఆంధ్రప్రదేశ్ నూర్ భాషా ముస్లిం సంక్షేమ సంఘం కృష్ణాజిల్లా గౌరవ అధ్యక్షులుగా పెనమలూరు గ్రామానికి చెందిన షేక్ శ్రీనివాసరావును నియమించారు. ఈ మేరకు శనివారం కంకిపాడు మండలం ఈడుపుగల్లు గ్రామంలో సంఘం రాష్ట్ర అధ్యక్షులు షేక్ చిన్నా ఆయనకు నియామక పత్రాన్ని అందజేశారు. ఈ సందర్భంగా షేక్ చిన్నా మాట్లాడుతూ కేంద్ర, రాష్ట్ర ప్రభుత్వాలు పేద ప్రజలకు అందిస్తున్న సంక్షేమ పథకాలకు అర్హత ఉండి కూడా లబ్ధి పొందని బాధితులను గుర్తించి, వారిని సంబంధిత ప్రభుత్వ కార్యాలయాలకు తీసుకెళ్లి అధికారులతో మాట్లాడి పథకాలు అందేలా కృషి చేయాలని శ్రీనివాసరావుకు సూచించారు. అర్హులైన పేదలకు ప్రభుత్వ సంక్షేమ పథకాలు అందించేందుకు కృషి చేయడం ద్వారా సంఘం మరింత బలోపేతం కావడంతో పాటు సంఘానికి, బాధ్యతలు నిర్వహించే వారికి మంచి పేరు వస్తుందని పేర్కొన్నారు. ఈ కార్యక్రమంలో సంఘ సభ్యులు షేక్ మస్తాన్ వలి, రాయుడు కోఆపరేటివ్ బ్యాంక్ మాజీ డైరెక్టర్ షేక్ మస్తాన్ తదితరులు పాల్గొన్నారు.
స్టాఫ్ రిపోర్టర్: ✍️ ప్రేమ్ రాజ్, పెనమలూరు నియోజకవర్గం, కృష్ణాజిల్లా.