శీలం రమేష్,రమణమ్మలను అభినందించిన ఎంపీ : 45,47 వార్డులలో ప్రచారం నిర్వహించిన మిథున్ రెడ్డి

మదనపల్లి,మేజర్ న్యూస్ : మదనపల్లి మున్సిపాలిటీ మరోసారి కైవసం చేసుకునే లక్ష్యంతో ఎంపీ పెద్దిరెడ్డి మిథున్ రెడ్డి గురువారం వైకాపా కౌన్సిలర్ అభ్యర్థులకు మద్దతుగా ముమ్మర ప్రచారం నిర్వహించారు.47వ వార్డ్ అభ్యర్థి శీలం రమేష్,45వ వార్డ్ అభ్యర్థిని శీలం రమణమ్మ,చైర్మన్ అభ్యర్థి జింకా వెంకటా చలపతిలతో కలిసి ఇంటింటా ప్రచారం నిర్వహించారు.ఇందులో భాగంగా ప్రజలతో మమేకమై గత వైఎస్ఆర్సిపి ప్రభుత్వం అమలు చేసిన సంక్షేమ పథకాల గురించి వివరించారు.ప్రస్తుతం రాష్ట్రంలోని కూటమి ప్రభుత్వం ప్రజాస్వామ్యాన్ని అపహాస్యం చేస్తుందన్నారు.స్థానిక సంస్థల ఎన్నికల్లో అభ్యర్థులను భయభ్రాంతులకు గురిచేసి నామినేషన్లు వేయకుండా చేస్తున్నారని,ఇది రాజ్యాంగ విరుద్ధమన్నారు.కావున మదనపల్లి ఓటర్లు విజ్ఞతతో ఆలోచించి కూటమి అరాచకాలకు బుద్ధి చెప్పాలన్నారు.ఇక శీలం రమేష్,రమణమ్మ దంపతులు ప్రచారం చక్కగా నిర్వహిస్తున్నారని ప్రశంసించారు.గతంలో తొగట కార్పొరేషన్ డైరెక్టరుగా సమర్థవంతంగా పనిచేయడమే కాకుండా చేనేత కార్మికుల సంక్షేమానికి ఎంతో కృషి చేశారని కొనియాడారు.వారిని మరోసారి ఆశీర్వదించి వార్డుల అభివృద్ధికి బాటలు వేయాలన్నారు.ఈ కార్యక్రమంలో వైకాపా సమన్వయకర్త నిస్సార్ అహ్మద్,మాజీ ఎమ్మెల్యే డాక్టర్ దేశాయ్ తిప్పారెడ్డి,మాజీ ఎమ్మెల్సీ నరేష్ కుమార్ రెడ్డి,మాజీ జడ్పిటిసి ఉదయ్ కుమార్,దండు రామాంజులు,బొమ్మిశెట్టి మధు,చంద్రకళ తదితరులు పాల్గొన్నారు.

రిపోర్టర్ : కె.ఈశ్వర్ రెడ్డి,మదనపల్లి నియోజకవర్గం ఇంచార్జి