శరన్నవారాత్రుల ముగింపుపై డిఎస్‌పి సమీక్ష - కలశాలు...ఊరేగింపు
గూడూరు, మేజర్‌న్యూస్‌
గూడూరు పట్టణంలో శరన్నవారాత్రుల ముగింపులో నిర్వహించనున్న కలశాల కలశాల కార్యక్రమంపై డిఎస్‌పి నరసింహమూర్తి సమీక్షించారు. ఆదివారం ఉదయం దసరా శరన్నవరాత్రలు నిర్వహక కమిటీ సభ్యులతో సందర్భంగా శాంతిభద్రతల పరిరక్షణ, ట్రాఫిక్ నియంత్రణ మరియు ఎన్నికల ప్రవర్తనా నియమావళి అమలుపై డీఎస్పీ ఆధ్వర్యంలో, గూడూరు రూరల్ సీఐ, గూడూరు 1 టౌన్ సీఐ మరియు గూడూరు 2 టౌన్ సిఐల సమక్షంలో కార్యక్రమ నిర్వాహకులతో సమావేశం నిర్వహించారు. ఈ సందర్భంగా అధికారులు మాట్లాడుతూ, ఎన్నికల ప్రవర్తనా నియమావళిని తప్పనిసరిగా పాటించాలని, ఎస్‌ఎస్‌టి, ఫ్లయింగ్ స్క్వాడ్ బృందాల తనిఖీలకు సహకరించాలని సూచించారు. ఎన్నికల నిబంధనలకు విరుద్ధమైన కార్యకలాపాలకు పాల్పడరాదని స్పష్టం చేశారు. ఈ కార్యక్రమంలో ట్రాఫిక్‌కు అంతరాయం కలగకుండా వాహనాల రాకపోకలను క్రమబద్ధీకరించాలని, ప్రజలకు ఎటువంటి ఇబ్బందులు కలగకుండా చూడాలని నిర్వాహకులకు సూచించారు. ఎటువంటి గొడవలు, ఘర్షణలు లేదా శాంతిభద్రతలకు విఘాతం కలిగించే చర్యలకు తావివ్వకూడదని హెచ్చరించారు. కలశాల కార్యక్రమం 21వ రాత్రి ప్రారంభమై, 22వ తేది ఉదయం ముగించాలని స్పష్టం చేశారు. పోలీసు శాఖ విధించిన నిబంధనలు, సూచనలు పాటిస్తూ కార్యక్రమాన్ని ప్రశాంతంగా నిర్వహించుకోవాలని తెలిపారు. నిబంధనలు ఉల్లంఘించిన వారిపై చట్టప్రకారం చర్యలు తీసుకోబడతాయని అధికారులు స్పష్టం చేశారు. ప్రజలు, నిర్వాహకులు పోలీసు శాఖకు సహకరించి కార్యక్రమాన్ని ప్రశాంత వాతావరణంలో నిర్వహించుకోవాలని గూడూరు పోలీసు శాఖ విజ్ఞప్తి చేస్తోంది.
