రూ 33 లక్షలతో డ్వాక్రా భవనం నిర్మాణానికి శంకుస్థాపన

నేటి దినపత్రిక సూర్య బ్యూరో రాజమహేంద్రవరం:రాయవరం మండలంలోని వెదురుపాక గ్రామంలో రూ.33 లక్షల వ్యయంతో నూతనంగా నిర్మించనున్న డ్వాక్రా భవన నిర్మాణ పనులకు సోమవారం రాష్ట్ర అంచనాల కమిటీ చైర్మన్, మండపేట ఎమ్మెల్యే వేగుళ్ల జోగేశ్వరరావు శంకుస్థాపన చేశారు. ఈ సందర్భంగా ఆయన మాట్లాడుతూ గ్రామాభివృద్ధికి తమ వంతు సహాయ సహకారాలు ఎల్లప్పుడూ అందిస్తామని తెలిపారు. గ్రామాల్లో మౌలిక సదుపాయాల కల్పనకు ప్రాధాన్యం ఇస్తున్నట్లు పేర్కొన్నారు.అనంతరం వెదురుపాక శ్రీ విజయదుర్గ పీఠాధిపతి శ్రీశ్రీశ్రీ గాడ్  విగ్రహావిష్కరణ మహోత్సవంలో ఎమ్మెల్యే పాల్గొన్నారు.ఈ కార్యక్రమంలో కొవ్వూరి చంటిరెడ్డి, వడ్డాది పండు, సత్తి శ్రీనివాసరెడ్డి, టేకుమూడి ప్రసాద్, రాజేష్, తాతాజీ, సలాది రమణ, బీజేపీ నాయకులు రాంబాబు, శివారెడ్డి, బ్రహ్మయ్య, నాగిరెడ్డి, రామారెడ్డి, డ్వాక్రా మహిళలు తదితరులు పాల్గొన్నారు.