రోడ్డు ప్రమాదంలో ఇద్దరు యువకుల దుర్మరణం మృతుల కుటుంబాలను పరామర్శించిన యువ నాయకుడు సీబీ మంజునాథ్‌రెడ్డి
అనంతపురం బ్యూరో : గుత్తి పట్టణ సమీపంలోని చెరువుకట్ట వద్ద గురువారం ఉదయం జరిగిన రోడ్డు ప్రమాదంలో ఇద్దరు యువకులు అక్కడికక్కడే మృతి చెందారు. గొల్లలదొడ్డి గ్రామానికి చెందిన భార్గవ్, పురుషోత్తమ ద్విచక్ర వాహనంపై వెళ్తుండగా ప్రమాదం చోటుచేసుకుంది. ఈ ఘటనతో వారి స్వగ్రామంలో విషాదఛాయలు అలుముకున్నాయి.
ప్రమాద విషయం తెలుసుకున్న గుంతకల్లు నియోజకవర్గ యువ నాయకుడు సీబీ మంజునాథ్‌రెడ్డి గుత్తి ప్రభుత్వ ఆసుపత్రికి చేరుకుని మార్చురీలో ఉన్న యువకుల మృతదేహాలకు నివాళులర్పించారు. అనంతరం మృతుల కుటుంబ సభ్యులను పరామర్శించి, వారికి ధైర్యం చెప్పారు.
అదేవిధంగా గుత్తి పట్టణంలోని బండగేరికి చెందిన మరో యువకుడు మృతి చెందడంతో అతని మృతదేహానికి కూడా నివాళులర్పించి కుటుంబ సభ్యులను పరామర్శించారు.
ఈ కార్యక్రమంలో మాజీ సర్పంచ్ నారాయణస్వామి, మాజీ కౌన్సిలర్లు వాల్మీకి శివరాం, వరదరాజులు, వైసీపీ నాయకులు బింగి కిరణ్‌బాబు, హనుమేష్, జగదీష్, అరుణ్‌కుమార్, వాల్మీకి పవన్‌కుమార్ తదితరులతో పాటు గొల్లలదొడ్డి గ్రామ నాయకులు, కార్యకర్తలు పాల్గొన్నారు.
రిపోర్టర్ : మొయినుద్దీన్, అనంతపురం బ్యూరో, అనంతపురం.
