రహదారి ప్రమాదాల నివారణకు పటిష్ట చర్యలు చేపట్టాలి

నరసరావుపేట :జిల్లాలో రహదారి ప్రమాదాలను, ముఖ్యంగా ప్రాణాంతక ప్రమాదాలను తగ్గించేందుకు సంబంధిత శాఖల అధికారులు సమన్వయంతో పటిష్ట చర్యలు చేపట్టాలని జిల్లా కలెక్టర్ కృతిక శుక్ల ఆదేశించారు. బుధవారం కలెక్టరేట్‌లో నిర్వహించిన జిల్లా రోడ్డు భద్రతా కమిటీ సమావేశంలో కలెక్టర్ మాట్లాడుతూ ఎన్.హెచ్167ఏ , ఎన్.హెచ్ 544డి  జాతీయ రహదారులపై ప్రమాదాలకు కారణాలను గుర్తించి తక్షణ నివారణ చర్యలు చేపట్టాలన్నారు. జిల్లాలో గుర్తించిన 34 బ్లాక్ స్పాట్ల వద్ద భద్రతా చర్యలు మరింత పటిష్టం చేయాలని సూచించారు. జాతీయ రహదారులపై అవసరమైన చోట లైటింగ్, హెచ్చరిక బోర్డులు ఏర్పాటు చేయాలని, రహదారి భద్రతా లోపాలను గుర్తించి గడువులోగా పరిష్కరించాలని సంబంధిత అధికారు లను ఆదేశించారు. ఇంజినీరింగ్ మార్పులు, వేగ నియంత్రణ, వాహన తనిఖీలు, డ్రంక్ అండ్ డ్రైవ్ తనిఖీలను ముమ్మరం చేయాలని సూచించారు. రోడ్డు ప్రమాద బాధితులకు గోల్డెన్ అవర్‌లోనే వైద్య సహాయం అందించాలని, 108 అత్యవసర సేవలను మెరుగుపరచా లని తెలిపారు. పీఎం రహత్  పథకం అమలుపైనా సమీక్షించారు. ప్రజల నుంచి వచ్చే రహదారి భద్రతా ఫిర్యాదులను వెంటనే పరిష్కరించాలని, ప్రమాదాల నివారణ ప్రతి శాఖ బాధ్యతగా భావించి సమన్వయంతో పనిచేయాలని కలెక్టర్ స్పష్టం చేశారు. సమావేశంలో జిల్లా ఎస్పీ జగదీశ్, రవాణా శాఖ జిల్లా అధికారి సంజీవ్ కుమార్, వివిధ శాఖల అధికారు లు పాల్గొన్నారు.

 మల్లికార్జున రావు పల్నాడు జిల్లా ఇన్చార్జి..