జాతీయ కరాటే పోటీల్లో విద్యార్థుల ప్రతిభ ....విద్యార్థులను అభినందించిన పాఠశాల యాజమాన్యం

కర్ణాటక రాష్ట్రంలోని గౌరీబిదనూరులో ఇటీవల నిర్వహిం చిన జాతీయ స్థాయి కరాటే ఛాంపియ న్‌షిప్ పోటీల్లో తనకల్లు మండలంలోని కొక్కంటి క్రాస్ శ్రీ సరస్వతీ విద్యా మందిర్ హైస్కూల్ విద్యార్థులు ప్రతిభ కనబరిచారు. కటా విభాగంలోపాఠశాలకు చెందిన 11 మంది విద్యార్థులు పాల్గొనడం పట్ల పాఠశాలయాజమాన్యం హర్షం వ్యక్తం చేసింది.ఈ సందర్భంగా బుధవారం పాఠశాల ఆవరణలో నిర్వ హించిన అభినందన సభలో చైర్‌పర్సన్ సనత్ కుమార్, కరస్పాండెంట్ పి.జి. నరేష్ విద్యార్థులను అభినందించారు. కరాటే సాధన వల్ల విద్యార్థుల్లో క్రమశిక్షణ, ఆత్మ విశ్వాసం, శారీరక దృఢత్వంతో పాటు స్వీయరక్షణ నైపు ణ్యాలు పెంపొందుతాయని వారు పేర్కొన్నారు. విద్యతోపాటు క్రీడల్లోనూ రాణించి ఉన్నత శిఖరాలను అధిరోహించాలని ఆకాంక్షించారు.విద్యార్థులకు కరాటేలో శిక్షణ అందించిన మాస్టర్ షేక్షావలిని ఈ సందర్భంగా ప్రత్యేకంగా అభినందించారు. కార్యక్రమంలో డాన్స్ మాస్టర్ శివ, కరాటే ఇన్‌స్ట్రక్టర్ కేశవర్ధన్, ఉపాధ్యాయులు, విద్యార్థులు పాల్గొన్నారు.