రాజ్యాంగ దినోత్సవ పోటీల్లో కడియం మండల విద్యార్థుల ప్రతిభ

                                మండల స్థాయిలో ముగ్గురు విద్యార్థులకు ప్రథమ, ద్వితీయ, తృతీయ స్థానాలు.

కడియం, మేజర్ న్యూస్ ,భారత రాజ్యాంగ దినోత్సవాన్ని పురస్కరించుకుని కడియం మండల స్థాయి పోటీలను జడ్పీహెచ్ఎస్ కడియంలో నిర్వహించినట్లు మండల విద్యాశాఖాధికారి-2 వై. నాగేశ్వరరావు తెలిపారు. ఈ పోటీల్లో వివిధ పాఠశాలలకు చెందిన విద్యార్థులు ప్రతిభ కనబరిచినట్లు ఆయన పేర్కొన్నారు.
జడ్పీహెచ్ఎస్ వీరవరానికి చెందిన అప్పాడి హేమశ్రీ దుర్గ మొదటి స్థానం, జడ్పీహెచ్ఎస్ కడియంకు చెందిన ఎస్. ప్రశాంత్ రెండో స్థానం, జడ్పీహెచ్ఎస్ మురమండకు చెందిన గొల్లపల్లి నవీనప్రియ మూడో స్థానం సాధించినట్లు వెల్లడించారు.
విజేతలుగా నిలిచిన ముగ్గురు విద్యార్థులు ఈ నెల 12వ తేదీన నిర్వహించనున్న నియోజకవర్గ స్థాయి పోటీలకు ఎంపికైనట్లు వై. నాగేశ్వరరావు తెలిపారు. ఈ కార్యక్రమంలో జడ్పీహెచ్ఎస్ కడియం ప్రధానోపాధ్యాయులు టి. సత్యనారాయణ, మండల సాంఘిక శాస్త్ర ఉపాధ్యాయులు పాల్గొన్నారు.