andhrapradesh
పుస్తెలతాడు చోరీ.
మెలియాపుట్టి మేజర్ న్యూస్:
షాపుల వస్తువులు కొనుగోలు చేస్తున్నట్లు నటించి మహిళ మెడలోని బంగారు పుస్తెలతాడును ఇద్దరు దుండగులు అపహరించిన ఘటన మెలియాపుట్టి మండలంలోని డేగలపోలూరు గ్రామం వద్ద శుక్రవారం చోటుచేసుకుంది. గ్రామానికి చెందిన శనాపతి శ్రీదేవి (50) ఇంటి వద్ద ఫ్యాన్సీ షాపు నిర్వహిస్తున్నారు. శుక్రవారం మధ్యాహ్నం బైక్‌పై వచ్చిన ఇద్దరు గుర్తుతెలియని వ్యక్తుల్లో ఒకరు షాపు వద్దకు వెళ్లి వాటర్‌ బాటిల్‌, మిక్సర్‌ ప్యాకెట్‌, సేగోడీలు కావాలని అడిగాడు. వాటిని ఇచ్చేందుకు ఆమె వెనక్కి తిరిగిన సమయంలో మెడలో ఉన్న సుమారు రెండు తులాల బంగారు పుస్తెలతాడును బలవంతంగా లాక్కొని పరారయ్యాడు. అనంతరం మరో వ్యక్తితో కలిసి బైక్‌పై టెక్కలి వైపు వెళ్లిపోయాడు. బాధితురాలి ఫిర్యాదు మేరకు మెలియాపుట్టి ఎస్సై మహమ్మద్‌ అమీర్‌ అలీ కేసు నమోదు చేసి దర్యాప్తు చేస్తున్నారు.
